Covîd-19: Li DYAyê jî varyanta nû hatiye tespîtkirin

Fotoğraf: AA

Ji bo nûçeya tirkî bitikîne

Li Colorado, eyaleta Dewletên Yekbûyî yê Amerîkayê(DYA) varyanta nû ya Covîd-19ê di kesekî 20 salî de hatiye dîtin. Hatiye diyarkirin wî kesî di nêz de geşt nekiriye û niha di bin tecrîdê de ye.

Rayedarên tenduristiyê yê eyalete destnîşan kirine ku ew ji bo dîyarkirina nexweşên potansiyel yên din û peywendiyên varyantê nû xebat dikin.

Hejmara nexweşan herî zêde li DYAyê ye

Li cîhanê welatê ku mirin û pêketiyên wê herî zêde ne, DYA ye. Li DYAyê hejmara pêketiyan 19 mîlyonî derbas bûye û ji 337 hezar zêdetir kes mirine.

Jared Polîs, Walîyê Coloradoyê roja Sêşemê daxuyanî daye û gotiye, nexweşê ku bi varyanta nû ketiye li Elbert Coûnty ku nêzîkî Denverteyê di bin tecrîdê de ye.

Varyanta nû li tevahiya cîhan belav dibe

Nexweşên varyanta nû li tevahiya cîhanê tên dîtin. Li Amerîkaya Bakûr 2 nexweş hatibû tespîtkirin û li dawîya hefteyê li Kanadayê jî hatiye dîtin. Her weha herî dawî li Pakistanê jî hatibû tespîtkirin.

Rewşa dawî li Brîtanyayê

Borîs Johnson, Serokwezîrê İngilistanê hefteya borî daxuyanî dabû û gotibû, rêjeya belavbûna varyanta nû ya Covîd-19ê ji sedî 70yî zêdetir bandordar e.

Li Brîtanyayê heta niha ji 2 mîlyon û 300 hezarî zêdetir kes bi nexweşiyê ketine û 71 hezar û 109 kes jî pê mirine. (PT/AY)