"Bila doza Tahîr Elçî bê ceza nemîne"
Serokê Baroya Amedê Nahît Eren diyar kir ku dê dadgeh di danişîna roja Çarşemê (12ê Hezîranê) de biryarê bide.
Eren bi bîr xist ku dozgeriyê ji bo polîsên bersûc beraet xwest û got, "Ji bo dosya bê ceza nemîne em hemû hevalên xwe yên hiqûqnas ji bo piştgirî û hevgirtinê vedixwînin danişînê."
Her wiha gelek serokên baroyên din jî bi dîmenên ku şandine Baroya Amedê banga tevlîbûna danişînê kirin.
Katledilen Baro Başkanımız Av.Tahir Elçi’nin dava dosyanın karar duruşması 12 Haziranda yapılacaktır.
— Diyarbakır Barosu (@Diyarbakirbaro) June 9, 2024
Barolarımızı ve meslektaşlarımızı; destek ve dayanışma için duruşmaya davet ediyoruz. #TahirElçi pic.twitter.com/ONXhRYYIrk
Çi bûbû?
28ê Çiriya Paşiyê ya 2015ê de serokê Baroya Amedê, Tahîr Elçî hat kuştin. Lêpirsîna ji bo bûyerê nehatiye encamdan û bûyer hê jî nehatiye zelalkirin
Pêvajoya Darazê
Serdozgeriya Amedê, îddîanameya kuştina Tahîr Elçiyî ya 28ê Mijdara 2015an, di 26a Adara 2020an de amade kiriye. 10emîn Dadgeha Cezayê Giran a Amedê di 3ê Nîsana 2020an de ev îdianame qebûl kiriye.
Di îddîanameyê de sê jê polîs çar bersûc wek gumanbar hatine nîşandan.
Ji bo polîsên bersûc M. S., F. T. û S. T.yî bi hinceta "bi îhmalkariya bi zanebûn bûye sedema mirinê" ji 2 heya 6 salan cezayê girtîgehê tê xwestin.
Ji bo gumanbarê din, Ugur Yakişir jî bi "kuştina bi zanebûn, kuştina bi mebestên gengaz, dijberiya li dijî qanûna jimare 6136, binpêkirina yekîtiya dewlet û welatî, zerardana malî" tê tawanbar kirin û ji wî re cezayê hepsê yê heta hetayê tê xwestin.
Yakişirî, ji xêncî kuştina Elçiyî, bi kujeriya polîsên eynê rojê hatine kuştin ên bi nave Cengîz Erdur û Ahmet Çîftaslan jî tê tewanbarkirin.
(AS/AY)