Li Amedê li taxa Şehîtlikê ya girêdayî navçeya Bajarê Nû her rojên yekşemê, bazara Keleporê ango bazara kevn (Bît Pazarı) tê danîn. Li vî cihê ku saet li 4.30ê şeveqê destpê dike hema bêjin ji her aliyê Amedê gel tê berê xwe dide vê bazarê.
Di van rojên ku li Tirkiyeyê qeyrana aborî her diçe kambaxtir dibe de êdî tu kes zêde nikare biçe ji sûk an jî magazayan kincan, amûrên mitbaxê, yên elektronîk û hwd bi buhayên zêde bikire.
Ji ber vê yekê jî cihên wek bazarên Keleporê -ku her tiştên wê li gor rewşa heyî erzantir e- zêdetir tê tercihkirin.
Me jî ji bo xwînerên bianet kurdiyê saet di 6an berê xwe da bazara Keleporê. Mirov dikare bêje rewşa qeyrana heyî ya li vî welatî bi her awayî rengê xwe daye vê bazarê jî.
Kesên berê xwe dan qamerayê û axivîn jî bi giştî bal kişandin ser şert û mercên zahmet ên aboriyê û diyar kirin ku debar pir zor bûye û em nikarin êdî debara xwe bikin.
Ji bazarê çend dîmen:
(WT/AY)