Volkan Pekal, Nûçegihanê Evrenselê li Edeneyê dema xwestiye li herêma erdhejê dîmenan bigire, hatiye desteserkirin.

Serokomar Erdoganî gotiye ku li 10 bajarên di bin bandora erdhejê de mane, heta 7ê Gulanê Rewşa Awarte hatiye ragihandin.

Amed yek ji wan bajaran e ku bandora erdheja Mereşê lê kiriye. Ji ber tirsa erdhejeke din çêbibe, welatî bi şev li kolanan man.

Bi tohmeta ku têkildarî erdhejê “postên provokatîf parvekirine” derbarê 90 kesî de lêpirsîn hatiye destpêkirin û 4 kes jî hatine desteserkirin.

Wezîrê Hawirdorê Kûrûm diyar kiriye ku erdhejê bandor 13,5 milyon welatiyan kiriye û wiha gotiye: “Li Dîlokê 581 avahî hilweşiyane, hezar û 468 kes mirine. Erdhejê rasterast bandor li 10 bajarên me yên li herêmê kiriye.

THYyê bihayê bilêtên seferên ji 4 bajaran bo Stenbolê daxistiye 100 TLyan.

Ji ber erdhejên li Mereşê pêk hatine, li Sûriyeyê û Rojavayê nêzîkî 3 hezar û 500 mirov birîndar bûne. Erdhejê bandor herî zêde li navçeya Cindiresê ya Efrînê kiriye.

Oktayî gotiye ji bilî wesayitên ji bo karesatê kelûpelan û tîmên alîkariyê dibin, ji saet 11.00ê û pê ve heta 48 saetan çûn û hatina wesayitan a li Hatay, Mereş û Semsûrê qedexe ye.

Yek ji bajarên ku erdhejê bandor lê kir Amed e. Welatî li vî bajarî dixwazin ji navendê biçin gundan.

AFADê aşkere kiriye: Li 10 bajaran hezar û 498 kes mirine, 8 hezar û 5333 kes birîndra bûne, 2 hezar û 834 avahî rûxiyane.

Midûrê Giştî yê Kêmkirina Rîskên Erdhejê yên AFADê Tatarî gotiye ku careke din erd heiyaye: “Her du ji hev cuda ne, yekê bandor li yekê kiriye.”

Serokomar Erdoganî gotiye: “Kavilên avahiyên rûxiyane tên paqijkirin, ji ber wê em nizanin hejmara miriyan û birîndaran wê bibe çiqas.”

Erdhejê bandor li Sûriyeyê û Rojavayê jî kiriye û di encamê de heta niha bi kêmanî 427 kes mirine. Bi sedan kes jî birîndar bûne.

Em fotografên erdhejê ya ku li bandor li Mereş, Dîlok, Amed, Hatay, Riha, Meletî, Kîlîs û çendîn bajarên din kirine diweşînin.

Alîkarê Serokomarî Fûat Oktay, gotiye “Li ser hev 284 kesan wefat kiriye, 2 hezar û 323 birîndarên me hene. Hezar û 710 avahî rûxiyane.”

Navenda erdhejê navçeya Mereş, Pazarcix e û mezinahiya wê 7,4 e. Bandora erdhejê li gelek bajarên derdorê li Rojava, Sûriye, Herêma Kurdistanê ya Iraqê û deverên din jî bûye. AFADê aşkere kiriye ku heta saet 06.30 deqîqeyan li 7 bajaran 76 kes mirine.

DÎERGê beriya hilbijartinê bang li partiyên siyasî kiriye û gotiye: "Divê ragihînin ku dema bûn desthilatdar, wê astengiyên li pêşiya perwerdeya bi kurdî bên rakirin."

Nobeda Edaletê ya Malbata Şenyaşarî di roja 697emîn de didome. Dadgehê dosyayên doza “nexweşxanê” û “dikanê” ku ji hev cûda kiribûn. Niha herdu dosye kirine yek.

Di danişîna doza Şimonî Dîrîlî de tevî ku şahid gotiye, “Şimonî avêtine avê û Hurmuz jî binaxkirine” jî dadgehê bi şertê “zîndanîkirina li malê” biryara berdana Aprol Dîrîlî daye. Apro Dîrîl tekane bersûc e û girtî bû.

Cîgirê Serokê Koma HDPê Sarûhan Olûç diyar kiriye ku tecrîda li Îmraliyê parçeyek ji polîtîkaya tunekirina destkeftiyên demokratîk ên gelê Kurd e û xwestiye hiqûq were pêkanîn.