203 bersûc ji ber avahiyên hilweşiyane yan jî ne li gorî yaseyan hatine çêkirin, hatine girtin. 275 gûmanbar jî bi şertê kontrola edlî serbest bûne.

Duh li Çermîktî, navçeya Meletîyê bi pileya 5.6an erd hejiyabû. Li gorî daxuyaniya AFADê 32 kes ji bin kavilan hatine derxistin, 140 kes jî birîndar bûne.

Tevgera Jinên Azad (TJA) û Meclisa Jinan a Partiya Demokratîk a Gelan (HDP) bernameya xwe ya 8ê Adarê Roja Jinan a Cîhanê eşkere kiriye.

Dozgeriyê ji bo wê îdiayê lêpirsîn daye destpêkirin ku dibêjin îstîsmara zayendî li zaroka li Hatayê ji bin kavilan derxistine kirine.

Recep Tayyîp Erdogan, Serokomar û Serokê Giştî yê AKPê îro daxûyanî dabû û gotibû, “Em ji Semsûrê helalîye dixwazin”. Piştre daxuyaniya Erdogan li ser medyaya civakî bi etîketa “#HelalEtmiyoruz” (Em Helal nakin) bûye rojev.

Ferît Şenyaşarê ku li ber avahiya Edliyeya Rihayê nobeta xwe ya edaletê dewam dike, gotiye, “Qonaxa ku em gihîştinê, li her deverê welêt mirov dibêjin ‘dewlet li ku ye?’ û diqîrin.”

Li gorî AFADÊ pileya erdhejê 5.6 û li gorî Resetxaneya Kandîliyê 5.5 bûye. Di encamê de kesek miriye û 69 kes birîndar bûne.

Polîsan derb li O. T. û du xwarziyên wî dane ku li Hatayê li ber mala xwe li benda tespîtkirina ziyanê bûn. O. T. û biraziyên xwe giliyê polîsan kiriye.

Jinekê ji bo ku biçe kar li mala xwe derdikeve û rastî êrişa du mêran hatiye. Wan mêran berê bi maddeye kîmyewî ku di desten wan de bûye kiriye û piştre jî bi çekê lêdane. Wê jinê giliyê wan mêran kiriye.

Walitiyê destnîşan kiriye ku nîştecihên wan avahiyan heke bixwazin dikarin di dema xebatên rakirina kavilan de li wir bin.

DFGyê di daxuyaniya xwe de bal kişandiye ser “Qanûna Sansurê” û gotiye astengî di dema erdhejê û piştî erdhejê li pêş rojnamegeran hatine derxistin.

Baroya Amedê aşkere kiriye ku di encama xebatên lêgerîn û rizgarkirinê de 12 pisîk hatine rizgarkirin. Pisîkek jî li ser kavilan hatiye dîtin û hemû pisîk radestî xwediyên wan bûne.

Şaredariya Bajarê Mezin a Meletiyê piştî erdheja yekem a Mereşê, dronek firandiye û di wê kêliyê de erdheja duyem pêk hatiye. Kameraya drone-ê dîmenê hilweşîna avahiyan girtiye.

Parêzer Resûl Temûr diyar kiriye û gotiye dixwazin rojnamegeran bi nûçeyên wan ceza bikin û îdianameya nûçegîhanên MAyê û JINNEWSê li gorî vê amadekirine.

Biryarnameya Serokomarî ya Derbarê Niştecihbûn û Avadaniyê ya di çarçoveya Rewşa Awarte de îro hatiye weşandin.

Ibrahîm Kalin, Berdevkê Serokomariyê derbarê mijara dîroka hilbijartinê de wiha gotiye: "Heta ku di rojên pêş de lihevkirineke berevajî ya siyasî çênebe wê hilbijartin di meha Gulanê de di dema xwe de bê kirin."

Rêxistinên hiqûqnasan li Stenbolê ji bo binpêkirinên mafên ên piştî erdhejên Mereşê derketine holê, “nobeta edaletê” girtiye.

Me hin avahiyên dîrokî yên li bajarên ku erdhejên 6ê Sibatê bandor lê kiriye ji xwênerên bianetê re berhev kirin.

Dîrektorê Ofîsa Herêmî ê Ewropayê yê Rêxistina Efûyê ya Navnetewî Nils Muižnieksî gotiye ku "Krîzên mirovahiyê yên ji ber vê erdheja metirsîdar derketine holê, rewşa hesas a ji berê de li Tirkiyeyê û Sûriyeyê hebû kûrtir kir û hişt ku rewşa mafên mirovan xerabtir bibin."

Komîteya Parastina Rojnamegeran (CPJ) ji bo rojnamegerên Kurd ên ku 9 ji wan girtî ne û 2 jî weke negirtî tên darizandin bang li Tirkiyeyê kiriye û xwestiye rojnamegerên ku ji ber çalakiyên pîşeyî hatine girtin bên azadkirin.