Lîsteya namzetan a Partiya Dad û Geşepêdanê(AKP) ya ji bo hilbijartina giştî ya 14ê Gulanê diyar bûye. Ji sedî 70ê parlamenterên ku di qonaxa berê ya 27emîn de wezîfedar bûne, guherîye.

Lîsteya namzetan a Partiya Karkerên Tirkiyeyê ya ji bo hilbijartina giştî ya 14ê Gulanê, diyar bûye.

Namzetên parlamenteriyê yên CHPyê diyar bûne ku CHPyê di lîsteya xwe de namzetên çar partiyên Tifaqa Miletparêz jî bicih kirine.

Lîsteya namzetan a Partiya Çep a Kesk piştî pesendkirina hevserokên partiyê pêşkêşî YSKê kirine.

Bi mehneya ku “poşman nebûye” cara duyem e ku cezayê Yaşar Aslanî tê taloqkirin. Aslan 30 sal in girtî ye.

Înîsiyatîfa 1000 Jinan a ji bo Girtiyên Jin ên Nexweş, bi ser navê “Nameyek vekirî ji siyasetmedaran re” daxuyaniyek weşandiye.

Li bajarê Çewlîgê bi pileya 4.5an erd hejiya ye û bajarên derdorê jî hatiye hîskirin.

Di merasîma vekirinê de “Xelatên Rûmetê yên Sînemayê” dane Kayhan Yildizoglû û Nevra Serezliyê.

Hevberdevkê Komîsyona Diyarkirina Namzetan ê Amedê yê Partiya Çep a Kesk Îrfan Sonerî diyar kir ku li gorî hilbijartinên berê hejmara serlêdanan zêde bûne û got: "Em dixwazin ji her deverên civakê kes cih bigirin."

YNKyê di daxuyaniyê de gotiye ku Tirkiyeyê “ji ber dijayetiya kurdan”, qada xwe ya asmanî ji geştên asmanî yên Silêmaniyê re girtiye.

Li Bahçelîevler, navçeya Stenbolê êrişî buroya hilbijartinê ya Partiya Çep a Kesk kirine. Êrişkaran li ser dîwarê buroyê sê heyv(sembola Partiya Tevgera Netewperest) xêz kirine û nivîsên tê de heqaret û dijûn hene nivîsandine.

HDPyê ji ber helwesta Dadgeha Destûrî ya tê wateya destwerdana hilbijartinên serbest û adil, wê di doza girtinê de parastina xwe ya devkî peşkeş neke.

Li Antalyayê 7 kes ji ber ku tevlî Newrozê bûne û slogan avêtine hatine desteserkirin.

Cizîriyî diyar kiriye ku "Di hilbijartina 2023yan de daxwaza me ya sereke ev e; yan dê kurd mafê ziman û nasnama xwe bi dest bixin û bibin hemwelatiyên azad û wekhev yan jî dê aşê pişaftinê, hevduneqebûlkirinê, bindestiyê û nîjadperestiyê bidome."

Seroka Bajarê Stenbolê ya CHPê Canan Kaftancıoglûyê aşkere kiriye ku bi çekan êrişî avahiya wan a Stenbolê kirine û derbarê êrişê de lêpirsîn hatiye destpêkirin.

Şandeyên PDK û YNKyê li Hewlêrê civiyane û wan aşkere kiriye ku ji bo xalên yasaya hilbijartinan bên guhertin, wan li hev kiriye.

DFGê Rapora Binpêkirina Mafên Rojnamegeran a meha Adarê aşkere kiriye. DFGê di rapora xwe de diyar kiriye ku di meha Adarê de 8 rojnameger rastî êrişê hatine, 16 rojnameger hatine desteserkirin, rojnamegerek girtine û şopandina nûçeyê ya 12 rojnamegeran jî hatiye astengkirin.

Şaxê Amedê yê IHDyê daxwaz kiriye ku di lêpirsînêa kuştina Ekînciyî de lêkolîna dîmenên bûyerê, hevdîtinên bi rêya bêtêlan hatine kirin û qebsûnên guleyan bikin.

Ji ber ku polîtîkayên hikûmetê rexne kirine, RTUKê dîsa cezayê pereyan li TELE1, FOX TV, Halk Tv û Flash Haberê biriye.

Ferît Şenyaşar bal kişandiye ser serdana Wezîrê Edaletê ya ji bo malbatên ku li pêş HDPê rûniştine û gotiye ku wezîr ji bo dayîka min a li pêş edlîyeya Rihayê rûniştiye nebine li deriyê paş de dikeve edlîyeyê û derdikeve.