Li Avaşînê di encama gulebaranê de leşkerek hatiye kuştin.

Dadgehên Stenbolê du Akademîsyenên aştîxwaz dad kirine. Ji bo akademîsyenekê biryar daye ku dadkirina wê ne erkên dadgehê ye. Akademîsyenekê destûr xwestiye û nehatiye dadkirinê.

Endamên Grup Yorumê ji bo qedexeya li ser konsertên wan bên rakirin û bi hin daxwazên din wê 17ê Gulanê dest bi greva birçîbûnê bikin.

Dadgeran du dersdarên bi navê Nursel Tanrıverdi û Selvi Polat, çar caran dad kirine, dozgeran zêdetirî 30 caran ew dane desteserkirin. Dersdaran li ser vê yekê dadger û dozger gilî kirine.

Li Kadikoyê girseyê xwestiye ji bo bîranîna qezaya li Somayê çalakiyekê bi rê ve bibe. Pankarta ku li ser “Her tişt wê baş bibe” vekirine. Lê polîsan destûr nedane vekirina pankartê.

Dema ku du rojnamegeran, Zeynep Kuray û İrfan Tunççelikî nûçe çêdikirin polîsan ew desteser kirine.

YSKyê serlêdana CHP û İYİ Partiyê nirxandiye û bi yekdengî red kiriye. CHP û İYİ Partiyê serî li YSKyê dabûn û xwestibûn ku hilbijartina Stenbolê bi temamî were betalkirin. CHPyê her weha xwestibû hilbijartina Serokomariyê jî were betalkirin.

9. Dadgeha Cezayên Giran a Enqereyê bi sûcê “têkbirina rêk û pêkîya dewletê” carekê û bi kuştina 52 kesan 52 caran cezayê girtina mûebed daye Yusuf Nazikî.

Serdozgeriya Komarî ya Wanê ji ber axavtinên wî xwestiye, 6 sal cezayê girtinê li Osman Baydemîr, Parlamenterê berê yê Rihayê û berdevkê berê yê HDPyê bê birîn.

Li navçeya Somayê ya Manîsayê ji ber xemsariyê 301 karkerên komirê li circirikên komirê de miribûn. Îro 5. salvegera bûyerê ye. Em lê binêrin gelo di 5 salan de çi guheriye?

Serokkomar, Recep Tayyîp Erdoganî li bernameya fetarê gotiye: “Hûnermend bi hûnera xwe diaxivin, şelaqiya ti kesan nakin.”

Komeleya Lêkolînên Kurdî di 15ê Gulanê de, Cejna Zimanê Kurdî wê pîroz bike. Di bernameyê de wê helbest bên xwendin û klamên dengbêjiyê bên gotin.

17emîn Xelatên Azadiya Fikr û Xweîfadekirinê yên Ayşenûr Zarakolûyê, bi merasîmekê hatiye belavkirin. Îsal Prof. Dr. Şebnem Korûr Fîncanci, Ayşe Duzkan û Osman Kavala hêjayî xelatdayînê hatibûn dîtin.

30ê Nîsanê 15 girtîyan ji bo tecrîd ji ser Abdullah Ocalanî rabe dest bi rojiya mirinê kiribû. Îro, 15 girtîyên dî jî dest bi rojîya mirinê kiriye.

Dadgeha Destûrî biryar da ku mafê azadiya xweîfadekirinê ya Ayşe Çelîkê hatiye binpêkirin. Tê gotin ku ev biryar wê ji bo dozên Akademisyenên Aştîxwaz û dozên TBByê jî bibe mînak.

Wezareta Karên Navxweyî daxuyandiye ku di şahî, dîlan û rêûrismên şandina leşkerîyê de 35 kees hatine kuştin. 10 ji wan zarok bûne. 600 kes birîndar bûne.

Li navçeya Liceyê ya Amedê, li şûna 10 muxtaran kayûm hatine tayînkirin ku ev muxtar di hilbijartina herêmî ya 31ê Adarê de hatibûn hilbijartin.

Dilşa Demirbag-Sten li Lijneya Birêvebir a Weqfa Nobelî bûye avakar û sekretera giştî ya Wezareta Dadê.

Di navbera 8 û 12ê Gulanê de wê 44 film di festîvala belgefilman da bê nîşandan. Temaşekirina belgefilman bê pere ye.

Hunermend Ayfer Duzdaş wê li Navenda Çanda Nazim Hikmetî ya li Şîşliya Stenbolê klamên elewiyan ên bi kurdî bistirê.