Mêrê berê yê Emine Bulutê, Fedai Bulutî ji ber ku ew kuştiye îro hatiye dadkirin. Di îdianameyê de eşkere bû ku ji beriya Bulut bê kuştin çûye navenda polîsan û hewara xwe gihandiye polîsan.

Kumi Naidoo, Sekreterê Giştî yê Rêxistina Efûyê ya Navnetewî beriya Doza Buyukadayê daxuyaniyek weşandiye û gotiye ku “Divê 11 mafparêz divê demildest biryara beraetê ji bo 11 mafparêzan bê dayîn.

Berdevkê Wezareta Parastinê ya Dewletên Yekbûyî yên Amerîkayê (Pentagon), Jonathan Hoffmanî daxuyandiye ku wan leşkerên xwe ji wan cihan birine ku çêdibe operasyon lê bêne kirin.

Ji bo Artêşa Tirkiyeyê li Rojavayê dest bi operasyonekê bike li Meclîsa Tirkiyeyê ji bo tezkereyê civînek hatiye pêkanîn. Meclîsê tezkere qebûl kiriye.

Karsaz û mafparêz Osman Kavalayî jî tê de dadgehkirina 16 rojnameger, nivîskar, plansazê bajarvaniyê, parêzer û hunermendan li 30em Dadgeha Cezayê Giran, li Kampusa Silivriyê berdewam dike.Dadgehê biryar girtiye ku Osman Kavala neyê berdan

Li Iraqê bajarên ku şîe lê zêde ne ji bo merasimên Erbeînê navber dan xwepêşandanên dijî hikûmetê.

Seroka Giştî ya EMEPê Selma Gurkan, Endamê Lijneya Serokatiyê yê ODPyê Onder İşleyen, Berdevka EHPyê Ozge Akman û Hevseroka Giştî ya Halkevleriyê Dilşat Aktaşê derbarê operasyona li ser Bakur Rojhilatê Sûriyeyê û encamên wê de axivîn.

Kemal Kiliçdaroglû, Serokê Giştî yê CHPê di civîna koma partiya xwe de piştgiriya xwe ji bo tezkereya Iraq û Sûriyeyê diyar kiriye û gotiye. “Bi dilşewatî em ê bibêjin erê.”

Dadgeha Bilind biryara li ser Ahmet Altan, Mehmet Altan û nazli Ilicakê betal kiribû, li ser vê yekê hersê îro dîsa hatine dadkirin.

Trump duh piştî li ser Twitterê peyam weşandiye, li Mala Spî bersiva pirsên rojnamegeran daye. Trumpî derbarê axavtina xwe û Erdoganî de jî hin zanyarî daye ku bi rêya telefonê pêk hatibû.

Koordînasyona Heskîfê ji bo Bendava Ilisûyê bêsekinandin dest bi kampanyaya îmzeyan kiriye û banga piştevaniyê kiriye.

Li bajarê Stenbolê 150. rojbûna bestekar û mûzîkologê ermenî, Gomidas bi konserekê hatiye pîrozkirin.

Mêran di meha Îlonê de ya kêm 37 jin kuştine, sê jin penaber bûn. Tunkdarî li 71 jinan kiriye. Herî hindik tecawiz li sê jinan kiriye, karê seksê bi zorê li 33 jinan kiriye. Ya kêm îstismara cinsî li 29 zarokan û tacîz li 13 jinan kiriye.

Koçerên ku li zozanên Wanê havînê heywanên xwe çêrandin piştî ku serma ket kon û çadirên xwe kom kirin û tevî keriyên xwe dest bi vegera ji zozanan kirin.

Maja Kocijcancic, Berdevka Komisyona YEyê gotiye, “YE, metirsiyên Tirkiyeyê yên rewa yên derbarê ewlehiyê de Tirkiyeyê fam dikin, lê ji destpêkê heta niha her dibêje krîza li Sûriyeyê ne bi rêyên leşkerî lê bi yên siyasî dikare çareser bibe.”

Berdevkê serokatîya dewleta Rûsyayê, Dimitri Peskovî daxuyandiye ku divê di operasyona Tirkiyeyê ya li Rojavayê de yekîtîya axa Sûriyeyê bê parastin.

Li gorî rapora Meclîsa İSİGê di meha Îlonê de 11 karkerên jin, 9 karkerên penaber û 6 jî karkerên zarok mirine.

Meclîsa Leşkerî ya Girê Spî daxuyandiye ku heke Tirkiye peymanê binpê bike ew ê gelê xwe biparêze.

Erdoganî derbarê daxuyaniya Mala Spî de axiviye û gotiye ku DYAyê dest bi vekişandina leşkerên xwe yên ji herêmê kiriye.

Rojnameger û wênesaz Zehra Doganê wêneyên Ceylan Onkolê li ser dîwarên Londonê xêz kiriye. Sala 2009ê teqemeniyek bi Ceylan Onkolê de teqiyabû û Onkola 14 salî miribû.