Alî Fikrî Işik, ji ber parvekirinên xwe yên li medyaya civakî dihat dadkirin. Işik bi wê yekê dihat sûcdarkirin ku ew “gelî ji leşkerîyê sar dike.”

Yekîtîya Ewropayê biryar daye ku Tirkiye li derdora Qibrisê bi awayekê neqanûnî li gaza xwezayî digere.

Tirkiyê piştî Dewletên Yekbûyî yên Amerîkayê (DYA) di warê heps kirinê de bûye duyemîn. Parlementer Onursal Adıgüzelî got: “Divê mirov bi çêkirina girtîgeha pesnê xwe nede, fedî bike.”

Li navçeya Pulurê ya Dêrsimê du zarokên şivan dema heywanên xwe biribûn çêre, teqemenîyek li wan teqîyaye.

Dadgeha Qanûna Bingehîn ji bo biryara rakirina berhema peykersaz, Mehmet Aksoy biryar daye ku mafê peykersazî hatiye binpêkirin. Aksoyî, ji bianetê re wiha got. “ Ji hûnera min re gotin sosret bû.”

Li Êlihê karmendekê TUIKê (Sazîya Îstatîstîkan ya Tirkan) çûye mala Tenzire Çetinê û pirsên tirkî jê kirine. Ji ber ku ew tirkî nizane bersiv nedaye. Karmendî ceza lê biriye, CHPyê li meclîsê pirsî ka çima ceza hatiye dayin.

Wezîrê karên derve yê Dewletên Yekbûyî yên Amerîkayê (DYA) Mike Pompeoyî diyar kiriye ku li gor qanûnên dewleta wan piştî ku fûzeyên S-400 gihayîn Tirkiyeyê divê welatê wî cezayan bide Tirkiyeyê.

Li Colemêrgê çekdarên ji Partiya Karkerên Kurdistanê (PKK) û çekdarên hêzên ewlehiyê yên Tirkiyeyê şer kirine. Di şer de sê leşker mirine.

Şaredarê Şaredarîya Bajarê Mezin a Stenbolê Ekrem Îmamogluyî diyar kiriye ku karmendên şaredarîyê yên dest ji karê xwe berdayîn hêj mehaneya xwe distînin.

Hevserokê Gerînendetîya Weşana Gîştî ya Ozgur Gundemê ( rojnameya ku hatibû girtin) Huseyîn Akyol hatiye girtin û ji bo girtîgehê hatiye birin.

Gerînendetiya Karên Civakî û Çandî ya Şaredarîya Êlihê dê şanoya “Wê Hesab Nayê Dayîn’’ bide lîstin.

Sîyasetmedar, Dengîr Mîr Mehmet Firat li Nexweşxaneya Bayindirê ya Enqereyê miriye.

Şaredariya Bajarê Mezin a Amedê li malpera xwe ya fermî daxuyand ku ew ê “Rojên Fîlmên Gerok ên Jinan” pêk bîne. Bername dê 13-19ê Tîrmehê bê pêkanîn.

Şeva din li behra Egeyê firtone rabûye li aliyê Yewnanîstanê, li bajarê Selanîkê şeş kes mirine. Li bajarê Izmîrê yê Tirkiyeyê du kes mirine.

Rojnameya Washington Postê rûpelekê xwe ji bo piştgiriya Erol Onderogluyî cida kiriye. Rojnameyê peyama #SupportErol ( Piştgirîya Erolî bike) weşandiye.

Li gor daneyên meha Hezîranê ya Saziya Karî ya Tirkiyeyê (IŞKUR) li Tirkiyeyê 4 milyon û 417 kesan li sazîyê qeyda xwe ya bêkarîyê çêkiriye.

Li gor encama fermî ya hilbijartina şaredarîya Stenbolê Ekrem Îmamogluyî 4 milyon û 742 hezar û 82 deng Binali Yıldırımî 3 milyon û 936 hezar û 68 deng standine.

Roja Çarşemê li navçeya Dalamanê ya Muğlayê agirî girtibû daristanan. Vê sibê ev agir hate kontrol kirin.

Kawa Nemirî ji bianetê re eşkere kir ku wî Operaya Tosca wergerandiye kurmancî. Celil Toksozî kiriye şano. Şanoyê "Theater Rast" amade dike.

Ziya Ataman 10ê Nîsana 2016ê hatibû desteserkirin, 11ê Nîsana 2016ê bi îdiaya ku ew “endamê rêxistinê” ye hatibû girtin. Ataman ji wê rojê ve di girtîgehê de ye.