Danişîna doza 7 rojnamegerên ku bi îdiaya Mûsa Çîtîl, Cîgirê Fermandarê Giştî yê Cendirmeyan hedef nîşan dane, berdewam kiriye. Dadgeha biryara beratê ji bo 7 rojnamegeran daye.

Walîtiya Colemêrgê aşkere kiriye ku li çoltarê Kazanê û Şortiyê 2 cih weke “herêmên taybet ên ewlekariyê” hatine diyarkirin.

Wezareta Karûbarên Navxweyî ji bo Şaredariya Kop, Gimgim û Erentepeyê ya Mûşê û ji bo Şaredariya Ûrlayê ya Îzmîrê qeyûm wezîfedar kiriye.

Tevna Têkoşîna li Dijî Tundkariyê ya Amedê, rapora xwe ya 5 mehan aşkera kiriye. Li gorî raporê di nava 5 mehan de 838 jinan serî li Tevna Tundkariyê daye.

Rêxistina Rojnamegerên Sînornenas (RSF) daye zanîn ku di sala 2019ê de 49 rojnameger ji ber karên xwe yên rojnamegerîyê hatine kuştin.

Hevalên wî ji bo ku rojnameger Azîz Orûç serbest bimîne kampanyayeke îmzeyan dane dest pê kirin. Orûç 6 roj in ku desteserkirî ye.

Girtîgeha Wanê biryar daye ku çênabe çûkên mê li girtîgehê bêne xweyîkirin, bi tenê çûkên nêr dikarin bêne xweyîkirin.

Walîtiya Bedlîsê aşkere kiriye ku heta fermana duyemîn li hin gund û mezrayên girêdayî navenda bajêr derketina derva qedexe ye.

Li paytextê Kolombiyayê Bogotayê di çarçoveya protestoyên greva giştî ku ev demek e dewam dikin da meş hatiye lidarxistin.

Hevşaredarên Gimgimê Ulku Karaaslan û Mahmût Yalçin û Hevşaredarên Kopê Eylem Sarûca û Adnan Topçû hatine desteserkirin.

Mehmet Onur Yilmaz, Rêveberê Rêxistina Efûyê diyar kiriye ku di dema qedexeya derketina derve de 97 zarok mirine lê doz li ti kesî nehatiye vekirin.

Rêxistina Efûyê ya Navnetewî aşkere kiriye ku li Îranê di dema protestoyên li dijî zêdekirina bihayê benzînê, 12 jê zarok herî hindik 304 kes mirine.

Li parêzgeha Amedê diyardeya jêkirin û firotina kevirên Sûra Amedê derketiye ‎holê. Xelkê Amedê nîgeran in û di wê baweriyê de ne ku eger rê li ber vê diyardeyê neyê girtin, wê ‎demê dê wêrankariyeke mezin li pey bê.

İHDya Stenbolê ji girtiyên nexweş re kartên piştgiriyê şandin. Hatice Onaran, endama Komîsyona Girtîgehan a İHDyê got: “Êdî divê polîtîka li ser jiyana mirovan neyê meşandin.”

Li Stenbolê rapbêjên ciwan Reqso, Xem, Ronî Artîn û Adarî di “Kurdish Rap Night”ê de stranên xwe yên bi şêweyê Rapê gotin.

Hevşaredara Qoserê, Nilufer Elik Yilmaz hatiye girtin. Elik Yilmaz 12ê Kanûna Pêşiyê(meha 12.) hatibû desteserkirin.

Li Cezayirê Ebdulmecîd Tebbûnê serokwezîrê berê di tura ewil a hilbijartina serokomariyê da ji sedî 58ên rayan wergirt û wek serokomarê nû hat hilbijartin.

Dadgeha Cezayên Giran a 1. a Enqereyê ji bo 19 kesên ji Doza JÎTEMê dihatin dadkirin biryara beraetê daye.

Parlamentera kevin a HDPyê hatiye tehliyekirin. Bîrtane bi tohmeta ku “endama rêxistinê ye” hatibû girtin.

Hat ragihandin di encama 4 êrîşên bombeyî yên ku li Selaheddîn û Diyalaya wîlayetên Iraqê hatin lidarxistin da hejmara kesên can dane bûye 15.