Hamad Hasan, Wezîrê Tenduristiyê yê Libnanê gotiye ku hejmara miriyên teqîna Bêndera Beyrûdê gihîştiye 171an û 30-40 kes jî winda ne.

AFADê eşkere kiriye ku li Îdirê bi pileya 4.4ê erd hejiyaye. Erdhejê bandora xwe li bajarên derdorê kiriye û ziyana can û mal çênebûye.

Walîtiya Bedlîsê aşkere kiriye ku heta fermaneke din wan li 36 gund û gundikên bi ser Bedlîsê de derketina derve qedexe kiriye.

Li Tirkiyeyê heta niha 243 hezar û 180 kes bi Covîd-19ê ketine û 5 hezar û 873 kes jî pê mirine.

Lahûr Şêx Cengî, Hevserokê YNKyê bi vîrusa Covid-19ê ketiye.

ÎHDya Amedê diyar kiriye k udi 6 mehên destpêka sala 2020an de 769 kes hatine desteserkirin, 132 kes hatine girtin û hêzên ewlehiyê bi ser 638 mal û kargehan de girtine.

Marie Struthers, Dîrektora Herêmî ya Ewropaya Rojhilat û Asyaya Navîn a Rêxistina Efûyê ya Navneteweyî(REN) destnîşan kiriye ku tundkariya polîsan a piştî hilbijartinên li Belarûsê ku tê de her cure muxalefeta aştîyane hatiye tepeserkirin, êdî li welat bûye teybetmendiyeke asayî ya siyasetê.

Vladîmîr Pûtîn, Serokdewletê Rusyayê gotiye wan yekemin dermanê Covid-19ê çêkiriye û derzî li keça wî xistine.

Li Rojavayê û navçeyên di bin kontrola Rêveberiya Xweser de 19 kesên din bi Covid-19ê ketine. Wezareta Tenduristiyê ya Sûriyeyê jî aşkere kiriye ku duh 67 kes bi nexweşiyê ketine.

Antonîo Banderas, lîstikvanê Îspanyayî aşkere kiriye, ku ew bi vîrusa Covîd-19ê ketiye.

Li Trabzonê Manastira Sumelayê piştî hatiye restore kirin derê xwe ji seredanan ra vekiriye.

Li Tirkiyeyê heta niha 241 hezar û 997 kes bi Covîd-19ê ketine û 5 hezar û 858 kes jî pê mirine.

Wezareta Tenduristiyê ya Herêma Kurdistanê ragihandiye, ku di 24 saetên dawin de 508 kes bi Covîd-19ê ketine û 17 kes jî pê mirine.

Ji beşa weşana zindî a Navenda Nûçeyan a Enqereyê ya NTVya ku serbi Koma Dogûş Medyayê ye 4 kes ji kar hatine derxistin.

Garo Paylan, Parlamenterê Amedê axavtina Mevlût Çavûşoglû, Wezîrê Karên Derve ya di serdana Beyrûtê de rexne kiriye û têkildarî mijarê pirsnamayek pêşkeşî parlamentoyê kiriye.

26 rêxistinên civaka sivîl daxwaz ji hikûmeta AKPyê kirine ku Peymana Stenbolê pêk bînin û wiha gotine: “Ne li rêya derketina ji Peymana Stenbolê bigerin, li rêyên pêkanîna Peymana Stenbolê bigerin.”

Li Atînayê rojnameger Çagdaş Kaplan û Berçem Mordenîz ji ber dimenê tûndkariya polîsan girtine, polîsan ew derp kiriye û desteser kirine.

Partiya Gel a Komarî(CHP) hejmara endamên Lijneya Rêvebirina Navendî(LRN) ji 18an anîye 16an. Selîn Sayek Bokeyê li piştî referanduma 2017an rêvebiriya partiya xwe rexne kiribû û dest ji wezîfeya xwe ya kişandîbû. Boke vegeriyaye û bûye endama LRNyê. Her weha Boke berê referandûmê cîgira serokê giştî û berdevka partiyê bû.

Li Gevera Colemêrgê wesayiteke polîsan a zirxkirî qulipiye. Di encamê de 2 polîsên ji tîmen taybet mirine.

Li Tirkiyeyê heta niha 240 hezar û 804 kes bi Covîd-19ê ketine û 5 hezar û 844 kes jî pê mirine.