Li Stenbolê di operasyona lihevkirina bajarî ya li dijî şaredariyên CHPê de 10 kes hatibûn desteserkirin. Dozgeriyê bi daxwaza girtinê 10 kes jî sewqî dadgeha aştî û cezê kir.

Dadgeha Bilind cezayê girtîgehê yê 19 sal û 6 mehan ku 2 caran bi îdiaya “endama rêxistinê ye” li Berdevka Demê ya berê ya TJA’yê Ayşe Gokkanê hatibû birîn, betal kir.

Mozalar bi tohmeta ku “kîn û dijminahî xistiye nava gel” tê darizandin. 2emîn danişîna doza Mozalarê wê di 26ê Sibatê de pêk were.

Îdianameya Ekrem Îmamoglû ji aliyê Buroya Lêpirsîna Sûcên Terorê ya Serdogeriya Komarî a Stenbolê ve hatiye amadekirin. Di îdianameyê de hatiye xwestin ku Îmamoglû bi 7 salan were cezakirin.

Endama PMa DEM Partiyê Pakîze Sînemîllîoglû jî di nav de 8 kes li Enqereyê di serdegirtinên malan de hatin desteserkirin.

Şaredariya Navçeya Farqînê ya Amedê di 3ê Sibatê de dest bi bernameya bi navê “Serê Şevê Çîrokek” kir. Hevşaredarê Farqînê Kadrî Esen destnîşan kir û got; "Em bi vê xebatê armanc dikin zarokên xwe ji “medya pişaftî” dûr bixin û bi rêya medya dîjîtal wan li zimanê wan vegerînin!"

Di danişîna doza Hevşaredarê Bajarê Mezin ê Wanê Abdullah Zeydan de dadgehê 3 sal û 9 meh cezayê girtîgehê birî.

Serdozgeriya Komarî a Stenbolê aşkere kir ku wan li dijî 9 şaredariyên CHPê lêpirsîn dan destpêkirin. 10 kes hatin desteser kirin.

Piştî erdhejên 6ê Sibatê wêraniyek mezin li çendîn bajarên herêma erdhejê ketin û niştecihên wan bajaran rûbirûyê gelek pirsgirêkên jiyanî bûn û ev pirsgirêkana hê jî didomin. Semsûr jî yek ji van bajaran e.

Şaredariya Bajarê Mezin a Amedê di çerçoveya çalakiyên 21ê Sibatê Roja Zimanê Dayikê ya Cîhanê de panelek bi navê ‘Migirdîç Dîkranyanê Diyarbekirî û Metnên Bi Kurdî yên Bi Herfên Ermenkî’ li dar xist.

Dadgehê şertê kontrola edlî ya rojnameger Semra Turan û Melîke Aydin rakir.

Li gorî daneyên TUIKê li Tirkiyeyê 32 mîlyon û 718 hezar kes hatine îstîhdamkirin. Lêbelê ev rêje di mêran de ji sedî 66,9 e û di jinan de ji sedî 32,4 e.

Dadgeha li ser îfadeyên îtîrafkar Umît Akbiyik 6 sal û 3 meh cezayê girtîgehê li Halîse Aksoyê birî.

Polîsan bi ser mala nûçegihana JINNEWSê Oznûr Degerê de girtin. Polîsan di dema desteserkirinê de destê Degerê ji piştê ve kelemçe kirin û tûndkarî lê kirin. Dozger daxwaza girtina Degerê kir.

Li Mereş, Semsûr, Amed, Riha û Hatayê kesên ku di Erhejên 6ê Sibatê de mirin, bi merasîm û çalakiyan hatin bi bîranîn.

Tevî baranê jî ji çar aliyê bajêr şêniyên Antakyayê beşdarî çalakiyên bîranînê bûn. Ji ber ku Koprûbaşi û derdora wê bi bariyeran hat girtin, di navbera polîs û welatiyan de rageşî derket.

Mêran di meha Kanûna Paşiyê de tundkarî herî hindik li 39 jinan kirine. Mêran, herî hindik 13 zarokên keç û kur îstismar kirine û 4 zarok jî kuştin.

Serdozgeriya Komarî ya Stenbolê qeydên Geziyê ji RTUKê xwestibû. Her weha çavkaniyekî ji RTUKê îro gotiye ku "Em ê bi berfirehî li arşîvê binêrin û arşîva pêwîst bişînin Serdozgeriyê."

Berpirsê Festîvalê Sîmon Silêmanî destnîşan kir û got: "Festîval sînoran bêwate dike û hemû Kurdên cîhanê û her kesên ku bi çanda Kurdî re eleqedar dibin, digihîne hev."

Serdozgeriya Komarî ya Stenbolê di çarçoveya lêpirsîna ku daye destpêkirin de bi tohmeta ku “propagandaya rêxistinê kiriye” îfadeya Melîsa Sozenê girt.