Dadweriyê bi şertê ku “ji navnîşana lê ne dernekevin” 13 amîralên teqawidbûyî serbest kiriye. Ergun Mengi, amîralê teqawidbûyî yê ku dozgerî daxwaza girtina wî kiriye, bi şertê “dernekeve ji derveyî bajêr û welêt” serbest bûye.

Sirvart Melikyan, hevjîna Aram Tîgranî diyar kiriye ku wê bi Enstîtiya Çandê ya Kurdî Almanî re peymanek çêkiriye û mafê weşandina hemû berhemên hunermendî daye Enstîtuyê.

Serpîl Kemalbay, Parlamentera HDPê gotiye, “Me wek HDPê bang li desthilatê kir û got, li dijî şewba kovîdê piştgiriya aboriyê bide her kesî û me ev her dem parast. Lê desthilatê guh neda bangên me û qeyrana aboriyê kûr bûye. Bandora vê jî herî zêde li jinan bû.”

TIHV Akademiyê derbarê binpêkirina mafên xwendekaran de raporek amade kiriye û li gorî vê raporê di navbera salên 2015 û 2019an de mafên 3 hezar û 102 xwendekaran ji ber xwestina civînan pêk bînin, xwenîşandana bikin û xwe birêxistin bikin hatine binpêkirin.

Civaknas Slavoj Zîzek, di 18ê Nîsanê de li Zanîngeha Kobanê wê li ser mijara “Gelo Di Roja Îroyîn de Demokrasî Hîn Hilbijardeyek e?” dersê bide.

Wê di nexşeyê de gorên komî yên li Kemerê Arey (Halvoriye), Koo Spi (Zımeq), Kırniga Khali (Kırnige), Serkemer/Derê Xezani û Deştê hebin.

Komeleya Çavdêriya li Koçberiyê raporek amade kiriye û tê de behsa qedexeya derketina derve ya li Amed, Êlih, Çewlig, Bedlîs, Elezîz, Colemêrg, Mêrdîn, Sêrt, Dêrsim û Mûşê kiriye.

Wezareta Tenduristiyê aşkere kiriye ku di 24 saetan de test ji bo 294 hezar û 274 kesan hatine kirin û di encamê de testa 50 hezar û 678 kesan pozîtîf derketiye. Her hewa 237 kes jî mirine.

Qesra Bûckînghamê aşkere kiriye ku Mîrza Phîlîp,hevjînê Elîzabetha II., Şabanûya Brîtanyayê di 99 saliya xwe de koça dawî kiriye.

Nadire Matera ku 2 sal û 8 meh in li bendê ye karta wê ya çapemeniyê nû bikin wiha got: "Rojnamegerî karekî wiha ye ku serbixwebûneke ji hemû hêzan divê, hewceyî erêkirina dewletê nîne. Di dema desthilatên berê de jî kart nedidan, kart nû nedikirin lê bû nesîbê vê desthilatê ku bi awayekî girseyî red bike."

Platforma Zimanê Kurdî li dijî bersiva Ziya Selçûk, Wezîrê Perwerdeya Netewî ku gotibû,“Ji derveyî zimanê Tirkî perwerde bi zimanê dayikê nabe!” banga xwedî derketinê li kampanyaya îmzeyan kiriye. Platformê ji bo zimanê kurdî bibe zimanê perwerdehiyê û fermî kampanyaya îmzeyan dabû destpêkirin.

Li gorî raporê milyar û 211 milyon û 375 hezar û 950 caran mafê jiyanê yê ajalan bin pê kirine, îşkence li 22 milyon û 735 hezar û 267 ajalan kirine, tundkariya cinsî li 3 milyon û 36 hezar û 175 ajalan kirine.

RêzeWebînara bi navê “Di Weşangeriya Kurdî de Kovargerî” wê bi mijara “Di Kovargeriya Kurdî de ekola Nûbiharê" dewam bike. Suleyman Çevîk, Berpirsê Giştî yê Weşana Nûbiharê wê bi moderatoriya Ferid Demirelî behsa Nûbiharê bike ku 30 sal in weşanê bike.

Ji 24 jinên ku li Amedê hatibûn desteserkirin 6 jê hatine girtin, 9 bi şertê kontrola edlî serbest mane û ji jinekê jî cezayê hepsa li malê hatiye birîn. Her weha dema desteserkirinê ya 8 jinan jî 2 roj dirêj kirine.

Serdozgeriya Komarî ya Dadgeha Bilind, di doza Buyukadayê de xwestiye ku cezayê dane Ozlem Dalkiran, Îdîl Eser û Gunal Kûrşûnî werin xerakirin lê yê dane Taner Kiliçî were erêkirin.

Wezareta Tenduristiyê aşkere kiriye ku di 24 saetan de test ji bo 304 hezar û 492 kesan hatine kirin û di encamê de testa 55 hezar û 941 kesan pozîtîf derketiye. Her hewa 258 kes jî mirine.

Piştî Draghî gotiye Erdogan “dîktator” e Wezareta Karên Derveyî bangî Gaîanî, Balyozê Enqereyê yê Îtalyayê kiriye. Mevlût Çavûşoglû, Wezîrê Karên Derve ji bo Draghî gotiye, “Serokwezîrê tayînkirî”.

Berîtan Canozer, nûçegîhana Jinnewsê bi şertê kontrola edlî serbest bûye.

Dadgeha Destûrî ew xala Biryarnameya di Hukmê Qanûnan de betal kiriye ku di dema Rewşa Awarte de bi sedema “xetere ji bo ewheliya netewî çêdikin”, kanalên televîzyonê, rojname û ajans hatibûn girtin.

Îrfan Çagatayê ku tevlî Prof. Dr. Bulent Bîlmezî raporek derbarê perwerdeya lazî amade kiriye wiha got: ““Ji ber em bêxwêdî mane li Tirkiyeyê di zanîngehan de lazî nîne.”