Dadgehê stranbêj Gulşen bi şertê kontrola edlî serbest berdaye.

Alî Koç li Sîlîvriyê ji tebeqa 6ê ya înşaatekê ketiye û miriye. Koç ji bo kar ji Gundê Sevîndîkê yê Wanê hatiye Stenbolê. Li gorî rapora Meclîsa ISIGê, di neh salan de 57 zarok di înşaat û karên çêkirina rêyan de mirine.

Hestiyên Arslan ên ku birine Edliyeya Amedê, li odeya dozgerê dosyeyê dihat girtin.

Cesedê Alî Mûhammedê 13 salî yê sûriyeyî ji bo otopsiyê birine morga Tiba Edlî.

Li Pakîstana ku ji ber barana mûsonê rewşa awarte ya neteweyî hatibû ragihandin, di 24 saetên dawî de 119 kes mirine.

Dîmenê kêliyên ku Henîfî Zengîn di 26ê Hezîranê de di Meşa Rûmetê de jinek tacîz dike derketibû holê. Zengîn di meşa li dijî tûndkariya li tenduristiyê ya 7ê Tîrmehê de li xebatkarên tenduristiyê û rojnamegerên ku nûçe şopandine daye û dîmenên lêdanê çapemeniyê weşandibû.

Bi notên girtiyê nexweş Bazo Yilmazî de derketiye holê ku sal û nîvek berê dema ew birine Saziya Tiba Edlî, di rê de, çar rojan xwarin nedane wî. Yilmaz di 18ê Tebaxê de li Girtîgeha Rihayê miribû.

Daniş-Beştaş û Kûrtûlana HDPyî ji bo Aysel Tûglûka bi nexweşiya demansê ye tehliye bibe, serî li Saziya Pişkîneriya Dewletê daye.

Dadgeha Destûra Bingehîn daxwaza Tayfûn Kahraman, Mucella Yapici û Can Atalayî ya ji bo tehliyebûnê, nepejirandiye. Kahraman, Yapici û Atalay di doza Geziyê de hatibûn girtin.

Ghebreyesus, Dîrektorê Giştî yê Rêxistina Tenduristiya Cîhanê, ragihandiye ku ji mehên dawîn ên sala 2019an û vir ve ku pandemiya COVID-19 derketiye, li cîhanê 6,45 mîlyon kes ji ber vîrûsê mirine. Li Tirkiyeyê 100 hezar û 400 kes ji ber Covîd-19ê mirine.

Save the Childrenê di rapora xwe de diyar kiriye ku, roja 24ê Tebaxê li Til Rifatê di encama êrîşekê de bi kêmanî 2 zarok birîndar bûne.

Fermandariya Hêzên Navendî ya DYAyê piştî ku di 23ê Tebaxê de li Deyrizorê êrîş bir ser hêzên ku Îranê piştgiriya wan dike, di 25ê Tebaxê de jî careke din ew bombebaran kirine. Beriya bi rojekê êrîşa bi moşekan li dijî baregeha DYAyê pêk hatibû.