Rêxistinên civaka demokratîk qedexeya çalakî û bernameyan a li Wanê bi civîneke çapemeniyê protesto kiriye. Li Wanê hezar û 800 roj in ku çalakî qedexe ne.

Wezareta Tenduristiyê aşkere kiriye ku di 24 saetan de test ji bo 355 hezar û 947 kesan hatine kirin û di encamê de testa 26 hezar û 896 kesan pozîtîf derketiye, 210 kes pê mirine.

Demîrtaş di doza Kobaniyê de gotiye, “Tehliyeya çi, hûn kî ne ku hûn ê me tehliye bikin! heta ku Erdogan û Bahçelî hebin. Eger hûn bi rastî jî bi rûmet bin hûn ê cubeyê xwe derxînin û bibêjin, ‘em ê serweriya hiqûqê bi kesî nedin pelçiqandin’.”

Parêzer Eren Keskînê gotiye ku birêxistî karkeriya seksê ya mecbûrî bi Sîbel Y.yê dane kirin û bertek nîşanî daxwaza dozgerî daye ku xwestiye çar bersûc beraet bikin.

Şaxa ÎHDê ya Stenbolê rapora xwe ya ku derbarê binpêkirinên mafan ên 3 mehên dawîn ên li girtîgehên Herêma Marmarayê de amade kiribû aşkere kiriye.

Erdoganî ji bo biryara Komîteya Wezîran a Konseya Ewropayê wiha axiviye: “Ti bendewariyên min nînin. Bi tenê bendewariyeke min heye, em ê bi ya xwe bikin. Konsey jî wê bi ya xwe bike, bila bike."

Şêwirmendiya Hevsalî ya Komeleya Pozîtîf-îzê diyar kiriye ku ew bi xêra kîteyên testa bilez di nava 15-20 xulekan de dikarin encamê hîn bibin. Her weha şêwirmendiyê gotiye, eger encama testê pozîtîf be, bi kesên ku test dane re hevdîtin tên kirin û ji bo nexşerê were çêkirin piştgirî tên dayîn.

Dadgehekê li Erzîncanê 6 sal û 8 meh cezayê girtîgehê daye her yek ji kesên ku beşdarî çalakiyên berxwedana Geziyê bûne. Dadgehkirina wan 8 salan dewam kiriye.

Dadgeha Destûrî aşkere kiriye ku li ser hev 335 hezar û 324 kesan, serî li dadgeha wan dane. Dadgehê ji sedî 89,3yê serlêdanan qebûl nekiriye.

Denîz Yucel, rojnameger û nivîskarê ku salek li Tirkiyeyê girtî mabû, bûye Serokê PEN, Yekitiya Nivîskarên Navnetewî ya Almanyayê.

Parlamentoyê tezkereya ku dema şandina leşkeran ji bo Iraq û Sûriyeyê dirêj dike, bi dengên AKP, MHP û IYI Partiyê qebûl kiriye. Her weha CHPyê bi tenê tezkereya Libnanê pejirandiye.

Wezareta Tenduristiyê aşkere kiriye ku di 24 saetan de test ji bo 356 hezar û 636 kesan hatine kirin û di encamê de testa 29 hezar û 643 kesan pozîtîf derketiye, 215 kes pê mirine.

“Prensê Biçûk”, pirtûka bi nav û deng a Antoine de Saint-Exupéry-yî bi kurmancî, lazî û adîgeyî diaxive.

Devlet Bahçelî, Serokê Giştî yê MHPê ji ber karsaz Osman Kavala ku çar sal in di girtîgehê de ye gotiye, bila Dadgeha Destûrî were girtin. Her weha Bahçelî gotiye, “biryarên DMME di destê welatên rojava de bûye koz.”

22 parlamenterên jin ên HDPyî rewşa girtiya bi navê Garîbe Gezerê bi pirsiyarnameyek anîne rojeva Parlamentoyê. Gezer piştî îşkenceya laşî û zayendî lê hatibû kirin, xwestibû xwe bikuje.

Îro li parlamentoyê ji bo tezkereya şandina leşkeran ji bo Iraq û Sûriyeyê ku ji bo du salên din were dirêjkirin wê dengdan bê kirin.

Rapora bi navê “Bêdengkirina rexneyê” ya Akademiya TIHVyê amade kiriye, nîşan dide ku bê ka li Tirkiyeyê sînorên azadiya xweîfadekirinê û yên medyayê çawa hatine tengkirin.

DAIŞiya ku welatiya Almanyayê ye ji ber ku bûye sedema mirina zarokeke êzidî bi tohmeta şerê sûcî kiriye, dihate dadgehkirin.

Konsera Mehmet Atliyî 6ê Çiriya Paşiyê wê li Beşîktaşê, li Navenda Çand û Hunerê ya Suleyman Sebayî pêk were.

Serokomar Erdoganî gotiye ku “Bi daxuyaniyên Balyozxaneyan ji şaşiya xwe vegeriyane.”