HDPê duh êvarê li ser hesabê xwe yê medya civakî pêşniyara xwe ya ji bo mehaneya herî kêm ragihandiye û gotiye ku bila di sala 2022an de mehaneya herî kêm bibe 6 hezar lire. Her weha HDPê xwestiye ku bila bac ji mehaneya herî kêm neyê birîn û dema xebata heftane jî bila daxin 35 saetî.

21 dersdarên di Çiriya Paşiyê ya 2020an de ji ber lêpirsîna KCDyê hatibûn desteserkirin, îxrac kirine. Kasım Dersdaran xwestin ku li dijî vê biryarê civîneke çapemeniyê pêk bînin, polîsan destûr neda wan.

Piştî ku Serokomar Erdogan duh di bernameya hevbeş a TRTyê de axiviye, nirxê dolarî li beramberî lîreyê tirkan zêdetir bhuye. Nirxê dolarekî amerîkî bûye beramberî 13,96 lîreyê tirkan.

Wezareta Tenduristiyê aşkere kiriye ku di 24 saetan de test ji bo 359 hezar û 420 kesan hatine kirin û di encamê de testa 25 hezar û 216 kesan pozîtîf derketiye, 207 kes pê mirine.

22em Dadgeha Cezayê Giran a Enqereyê daxwaznameya guhertina heyeta dadgehê ya parêzeran qebûl kiriye û ji bo nirxandinê şandiye 23êm Dadgeha Cezayê Giran a Enqereyê.

Oktay Înce piştî dadgehkirinê ji bianetê re wiha got: "Weke karmendên îcrayê çawa dixwazin û çiqas dixwazin bila werin. bila li ser navê Serokomarî pereyan ji gelî kom bikin. Ev êdî têkoşîna min e. Ez ê texsîr nekim.”

Meral Daniş-Beştaş û Sarûhan Olûç, Cîgirên Serokê Koma HDPê ji bo tevahî detayên kuştina Tahîr Elçî, Serokê Baroya Amedê li parlamentoyê were lêkolînkirin daxwaza civîna taybet kirine.

Bi tohmeta ku heqaret li Wekîlê berê yê Serdozgerê Komarî yê Stenolê û Alîkarê Wezîrê Edaletê, Hasan Yilmazî kiriye, Dozger Huseyîn Emre Erbaş xwestiye rojnameger Denîz Yucel bi 2 sal û 4 meh cezayê girtîgehê were cezakirin.

Dadgeha Aştî û Cezê ya Nobedar biryara girtina Metîn Gurcan, endamê lijneya damezrîner yê Partiya DEVAyê daye û ew şandiye girtîgehê. Gurcanî bi tohmeta ku “Sîxuriya leşkerî û sîyasî kiriye” hatibû desteserkirin.

9emîn care ji bo îfadeyê bang li Emîne Şenyaşara ku têkoşîna edaletê li pêş Edliyeya Rihayê didomîne, dikin.

Biroya Hiqûqê ya Sedsalê aşkere kiriye ku wan xwestiye biçin li Girtîgeha Îmraliyê Ocalan û miwekilên xwe bibînin, lê daxwaza wan nehatiye qebûlkirin. Derketiye holê ku bi du biryarên cida cezayê qedexeya hevdîtinê li Ocalanî birîne.

Bekîr Şahîn, Serdozgerê Komarî nêrîna xwe ya derbarê doza girtina HDPê de pêşkeşî Dadgeha Destûrî kiriye. Şahînî xwestiye ku bila îtiraz û daxwazên di paraznameya HDPê de ne neyên qebûlkirin û nêrîna xwe ya di îddianameyê de ya ku “bila ji binî ve were girtin” dûbare kiriye.

Li gorî daxuyaniya AFADê, erdhej 3,97 kîlometre di bin erdê de bûye û piştî ya yekem bi 9 deqîqeyan yeke din bi pileya 4,3yê bûye.

Wezareta Tenduristiyê aşkere kiriye ku di 24 saetan de test ji bo 358 hezar û 816 kesan hatine kirin û di encamê de testa 24 hezar û 317 kesan pozîtîf derketiye, 189 kes pê mirine.

Bandora ba û bahozê îro jî wê weke duhî dewam bike. Midûriyeta Giştî ya Meteorojiyê daxuyaniyek weşandiye û welatî hişyar kirine.

Ji 47 kesan 31 kesan gotiye ku ew ne gilikar in û ew nawxazin beşdarî dadgehkirinê bibin.

Serokê Federasyona Rojnamegeran a Tirkiyeyê Yilmaz Karacayî diyar kiriye ku rewşa çapemeniya Anadolûyê ne baş e û wê îsal 100 rojname werin girtin.

Bayê şûr bandoreke mezin li Tirkiyeyê kiriye. Li Stenbolê çar kes mirine. Li Çatalcayê barûya saetê rûxiyaye.

Cejna Hanûkayê wê di navbera 28ê Çiriya Paşiyê û 6ê Kanûna Paşiyê de were pîrozkirin. Cejn wê 8 roj û 8 şevan dewam bike.

Li Îzmîrê di hefteyekê de êrîşî sê jinên trans kirine. Di encamê de jinek birîndar bûye, yek jî miriye. Komeleya LGBTI+yên Ciwan daxwaz kiriye ku lêkolîna van êrîşan bila çêbibe û bila lêpirsînê bikin bê ka ti têkilî di navbera wan de heye yan na.