Saziyên jinan ên li Amedê diyar dikin ku piştî Rewşa Awarte û girtina saziyên jinan, tundkariya li jinan zêdetir bûye. Li gorî saziyan, bi qasî tundkariya li nava malan, kesên bi cil û bergên leşkerî tundkarî li hejmareke zêde jinan kirine.

Piştî ku DAIŞê êrîşî girtîgeha Hesekê kir, balafirên şer, balafirên bombebarkirî yên bê mirov ên TSKyê êrîşî Şengal, Mexmûr û Dêrika Hemkoyî kirine. Erdogan û Barzanî duh civiyane lê piştî civînê daxuyanî nehatiye dayîn.

Polîsan bi ser avahiya Şaxa IHDya Amedê ve girtiye. Her weha polîsan avahî dorpêç kirine û lêgerîn dane destpêkirin. Ferhat Berkpinar, endamê Lijneya Rêvebiriya Şaxa IHDya Amedê desteser kirine.

Walîtiya Colemêrgê li seranserê bajêr meşên xwenîşandanê, civînên çapemeniyê, çalakiyên rûniştinê û yên weke wan, heta 15 rojan qedexe kirine.

Wezareta Tenduristiyê aşkere kiriye ku di 24 saetan de test ji bo 457 hezar û 885 kesan hatine kirin û di encamê de testa 110 hezar û 682 kesan pozîtîf derketiye, 217 kes pê mirine.

Komîteya Wezîran a Konseya Ewropayê, ji bo Tirkiyeyê “pêvajoya binpêkirinan” daye destpêkirin. Dosyeyê wê bişînin ber destê DMMEyê.

Li Îpsala, navçeya Edîrneyê ku li ser sînorê Yewnanistanê ye, 9 penaber ji ber seqem û sermayê mirin e.

Qaymeqamiya Edremîtê bi mahneya hin şaşî di hesabên Komeleya Parastina Çand û Xwezaya Kazdagiyê de hene, jîngehparêz Suheyla Dogan bi 51 hezar TL cezayê pereyan ceza kiriye.

Sînorê vê demê wê ji bo 1ê Sibata 2022an û piştî wê be. Her weha wê ji bo serlêdanên têkildarî biryara dawî ya di hiqûqa navxweyî de derbasdar be.

Tûrgay Denîz bi nexweşiya jana zirav ketibû û navê wî di nava lîsteya girtiyên nexweş a ÎHDyê de bû.

Onûr Gencer, bi sedema “ewlekariyê” serî li CIMERê daye û xwestiye dadgehkirina wî li Qeyseriyê bidome.

Rêxistina şaxa Stenbolê ya HDPyê tevlî parlamenterên HDPyê li dijî qedexekirina muzîka kurdî, civîneke çapemeniyê li dar xistiye. Parlamenter li ber Lîseya Galatasarayê hatine bav hev û li ber muzîka kurdî govend gerandine.