xwendekar

Komek êrîşkar li ber deriyê Fakûlteya Ragihandinê ya Zanîngeha Enqereyê kom bûn û paşê bi keviran êrîşî avahiya fakûlteyê kirine. Di bûyerê de sê xwendekar birîndar bûne.

Li Zanîngeha Teknîkî ya Stenbolê(ITU) xwendekaran li dijî ji-karî-avêtina akademîsyenan xwenîşandanek pêk anî. Zanîngehê lêpirsîn li wan vekir.

Li Zanîngeha Stenbolê 21 xwendekar hatin desteserkirin.

Li Zanîngeha Egeyê xwendekarên beşdarî xwenîşandanan bûyîn ji xwendinê hatin dûrxistin.

Serokê Lijneya Xwendina Bilind(YOK) eşkere kir ku hevjîn û zarokên wan kesên di statûya şehîdan de yên li zanîngehan dixwînin li kîjan zanîngehê bixwazin bixwînin dikarin lê bixwînin.

Dîrektorê îcrayê yê UNICEFê, Anthony Lakeyî ji ber êrîşa di 26ê Çiriya Pêşiyê de li ser dibistaneka Sûriyeyê hatibû kirin û 22 zarok miribûn nerazîbûna xwe dîyar kir.

Dadgeha Stenbolê, li ser çar xwendekarên di girtîgehê de biryar da ku her çar xwendekar jî di girtîgehê de bimînin.

HDPê ji bo 300 hezar xwendekarên ku ji ber qedexeya derketina devre mafên wan ê perwerdehiyê hatiye astengkirin û dê bikevin ezmûnên TEOG, YGS û LYSê, teklîfa kir qanûn were çêkirin. Di bingeha ferqmeyiliya erênî de, di wê teklîfêde ji bo xwendekaran hat xwestin ku mafê derbasbûna bêezmûn û bûrs were dayîn.