Xeze

Wezareta Tenduristiyê ya Filistînê ya li Xezeyê ragihand ku di êrîşên Îsraîlê de di 24 saetên dawîn da 150 filistînî hatin kuştin û 313 filistînî jî birîndar bûn.

Heyva Sor a Filistînê ragihand ku leşkerên Îsraîlê piştî bi ser navenda wan a li bajarê Xan Yûnûsê de girtin, konên penaberan şewitandin. Xan Yûnûs li Xeta Xezeyê ye.

Berdevkê Wezareta Tenduristiyê ya Filistînê Eşref el-Kudra diyar kir ku li Xezeyê di bin xirbeyan û li ser rêyan da mirî hene, lê ji ber astengiya hêzên Îsraîlê tîmên tenduristiyê û wezîfedarên parastina sivîl nikarin xwe bigihînin cenazeyan.

Hejmara rojnamegerên ku di êrîşên Îsraîlê yên ji 7ê Çiriya Pêşiyê vir ve de li Xezeyê hatin kuştin, derket 121an.

Berdevkê Wezareta Tenduristiyê ya Filistînê Kûdrayî got ku ji ber hejmara zêde a mirovan û nebûna hîjyenê, li stargehên filistiniyan xwe spartine wan, zêdetirî 8 hezar mirov bi Hepatît Ayê ango cûreyeke zerikê ketine.

Komîseriya Bilind a Mafên Mirovan a Neteweyên Yekbûyî banga rawestandina qetlîamên neqanûnî yên Îsraîlê yên li ser filistîniyan kir.

Afrîkaya Başûr Îsraîlê tohmet dike ku wê Peymana Pêşîlêgirtin û Cezakirina Komelkujiyê ya NYyê bin pê kiriye.

Wezîrê Kar û Barên Derve yê DYAyê Antony Blinkenî gotiye, di dema serdana wî ya Rojhilata Navîn de, xala hevbeş aramiya li Xezeyê bûye.

Bi qasî 2 milyon mirov ji cihên xwe bûne û niha nikarin ava vexwarin û paqij, xwarin û kelûpelên jiyanê bi dest bixin.

Berdevkê Wezareta Tenduristiyê ya li Xezeyê Eşref Kûdrayî got ku 900 hezar zarokên li stargehan bi cîh bûne, di bin serme de ne, bê av in û xwarina wan kêm e, nexweşiyên laşî û derûnî û travma li wan peyda dibin.

Nûnerê Filistînê yê WHOyê Peeperkornî got ku ji 36 nexweşxaneyên li Xezeyê, bi tenê beşek ji 9 ji wan nexweş tên dermankirin: “Hemû nexweşxaneyên xizmetê didin li başûrê Xezeyê ne, li bakûr nexweşxaneyên kar dikin neman.”

Hejmara rojnamegerên ku ji 7ê Çiriya Pêşiyê vir ve li Xezeyê di êrîşên Îsraîlê de mirine, derket 89an.

Artêşa Îsraîlê ragihand ku bombeyên wan ên duxanê yên bi fosfora spî hene û ev bombe ji bo veşartinê lê ne ji bo êrîşan an jî agirderxistinê hatine çêkirin.

Berdevkê UNICEFê James Elderî got ku ji bo zarokan û ûcdanê hevpar rizgar bikin, wan cara dawiyê hişyariyek daye.

30 jin û zarokên filistînî yên di girtîgeha Îsraîlê de girtî bûn, serbest bûn. Ahed Tamîm jî di nava wan de ye. Her weha li Xeta Xezeyê jî duh bi şev 10 jin û zarokên îsraîlî serbest bûn.

Li gorî nûçeya ajansa nûçeyan a fermî ya Filistînê, leşkerên Îsraîlê di dema serdegirtina Nexweşxaneya Endonezyayê de, jineke birîndar kuştin.

Di encama êrîşên Artêşa Îsraîlê ji 7ê Çiriya Pêşiyê û heta niha li dijî Xeta Xezeyê pêk aniye, 201 doktor, perestar û kesên alîkariya destpêkê dikin mirin. 31 hezar kes birîndar bûn.

“Hamas partiyeke siyasî ye ku li Filistînê ketiye hilbijartinê û bi ser ketiye. Piştî di hilbijartinê de bi ser ket, we mafê wê, mafên wê ji destê wê derxistin. Îsraîl û Amerîkayê bi hev re jê stendin.”

Li gorî dîmenên ku Wezareta Tenduristiyê ya li Xezeyê weşand, bombe li beşa nexweşiyên giran a Nexweşxaneya Şîfayê ketiye.

Nûçegîhana NûJINHAyê Nagham Karajeh ji serê xwe û linge xwe yê rastê birîndar bû. Li taxa ku ew lê dimîne, 10 xanî hilweşiyane.