Ekrem Îmamoglû

YSKyê biryar girt ku bila hilbijartina herêmî ya Stenbolê were nûkirin. Ekrem Îmamoglû, namzetê Rêkeftina Miletê di hilbijartinê de bi ser ketibû.

Li Stenbolê pêvajoya hejmartina dengan qediya ye û di encama vê pêvajoyê de Ekrem Îmamoglûyî mezbateya xwe wergirtiye. Îmamoglû bi awayekî fermî bûye Şaredarê Bajarê Mezin ê Stenbolê.

Namzetê CHPyê yê Enqereyê Mansûr Yavaş û yê Îzmîrê Tûnç Soyerî mezbateya xwe wergirtiye. CHPyê li Stenbolê jî serî li lijneya hilbijartinê ya bajêr daye û xwestiye ku mezbateya Ekrem Îmamoglûyî bidine wî.

Ekrem Îmamoglûyê ku li gorî encamên nefermî bûye Şaredarê Bajarê Mezin ê Stenbolê îro li Stenbolê civîneke çapemeniyê çêkiriye.

Sadî Guven, Serokê YSKyê destnîşan kiriye ku li gorî daneyê wan Îmamoglû 27 hezar û 988 deng zêdetir standiye û di pêş de ye. Guvenî wiha gotiye: “AA ne mişteriyê min e, daneyan ji min wernagire”.

Ajansa Nûçeyan a Demîrorenê, pêşiyê nûçeyek belav kiriye û tê de got ku li gorî daneyên Lijneya Bilind a Hilbijartinê, Ekrem Îmamoglû, namzetê Rêkeftina Milet, di pêş de ye. Lê piştî demekê ev nûçe ji ser malperê hatiye rakirin.