Dayîkên Şemiyê

Me li gorî agahî û raporên Komeleya Mafên Mirovan ya Şaxa Amedê û Navenda Heqîqet, Edalet û Hafizayê înfografîka doz û lêpirsînên derbarê kesên windakirî de amade kir.

Dayikên/mirovên Şemîyê bû 600. hefte ku li meydana Galatasarayê kom bûn û daxwaza xwe dîsa gotin: ‘’Bila aqibeta yên bêserûşûnbûyîn dîyar bibe, bila yên ew bêserûşûnkirîn bêne dadkirin û bila ti kesên desteserkirî neyên bêserûşûnkirin.’’

Beriya hefteya 600. a çalakiya Dayîkên Şemiyê Besna Tosuna keça Fehmî Tosun ku ew jî piştî binçavkirinê hatibû qetilkirin, got: “Di hefteya 600. de û ji vir şûn de jî em bang li her kesî dikin ku bila piştgiriya daxwazên me yên heqîqet edalet û aştiyê bikin.”

Beriya hefteya 600. xwişka Hasan Ocak bang kir: "Em ê her tim hesab bipirsin. Bila her kes ne tenê ji bo hefteya 600., divê her dem piştgirî bidin vê israra me."

Dayîkên Şemiyê ku wê di 24ê Îlonê de cara 600. li Galatasarayê bin di bangewaziya xwe de wiha gotin: “Em bang dikin ku di 24ê Îlonê de her kes li cihê ku lê ye li dijî tinêkirin û kuştinan re ji bo rûmeta mirovahiyê dengê xwe bilind bike.”