covîd-19

Li cîhanê hejmara nexweşên Covid-19ê nêzîkî li milyonekê kiriye. Hejmara miriyan jî nêzîkî 50 hezarî bûye.

Meral Daniş Beştaş, Wekîla Serokê Koma HDPyê diyar kirîye, ku vîrûsa koronayê li girtîgehan belav bûye û gotîye: “Guhertina di yasaya înfazê de kuştina bi komî ya li girtîgehan e.”

Wezîrê Tenduristiyê aşkere kiriye ku 63 kesên din ji ber Covid-19ê mirine. Hejmara miriyan li Tirkiyeyê gihîştiye 277an.

Di daxuyanîya hevpar ya DÎSK, KESK, TMMOB û TTByê da hatîye gotin: "Heta metirsîya vîrusa koronayê hebe divê ji bilî karên xizmetguzariyê û yên zerûrî, hemû kar û xebatên din bên rawestandin."

Fanzîna fotografîyê flashhilatê, hejmara Nîsanê jiber vîrusa korona bi navê ‘’coronahilat’’ derxistiye.

Li DYAyê hejmara kesên ku ji ber vîrusa Covîd-19yê mirine ji ya Çînê derbas kirîye û li tevahîya cîhanê hejmara pêketîyên vîrûsê nêzîkî mîlyonekê bûne.

Komeleya Mafên Mirovan (IHD) derbarê rewşa girtiyên nexweş de daxuyaniyek weşandiye û gotiye ku 591 jê giran, bi giştî 1564 girtî nexweş in.

Donald Trump, Serokê DYAyê derbarê vîrusa Covîd-19yê da axivîye û gotîye: "Li pêşiya me 2 hefteyên ku wê pir dijwar derbas bibin, hene."

Neteweyên Yekbûyî (NY) ji bo penaber, koçber û kesên bê welat di çarçoveya tekoşîna li dijî vîrusa Covîd-19yê da bên parastin û ji bo penaber û koçberên girtî serbest bên berdan, bang li cıvata navneteweyî kirîye.

Nalan Ozaydin, Hevşaredara Şemrexê ji ber gumana nexweşiya Covid-19ê hatiye tehliyekirin.

Wezareta Navxwe ya Herêma Kurdistanê di çarçoveya tedbîrên xweparastina ji vîrusa koronayê qedexeya çûnûhatinê heta 10ê Nîsana 2020an dirêj kiriye.

Li Tirkiyeyê heta duh 46 kes ji ber Covid-19ê mirine, 2704 kes jî nû bi Covid-19ê ketine.

Di daxuyanîya hevpar ya Rêxistinên Mafparêz da hatîye destnîşan kirin, "parastvanên mafê mirovan, rojnameger û kesên din yên ji ber bi tenê mafên xwe bikaranîne, hatine girtin û ceza stendîye em banga bê şert û merc serbest berdana wan dikin "

Girtîyekî ji Girtîgeha Tîpa Tyê ya Bolûyê gotiye ku ji ber qerebalixiya li qawîşê ew nikarin mesafeyê bixin navbera xwe û girtiyên din.

Li tevahîya cîhanê heta niha hejmara kesên ku bi vîrûsa Covid-19yê mirine, nêzîke li 38 hezarî. Herweha li Parka Centralê ya navdara DYAyê nexweşxaneyên demî hatine avakirin û li Felestînê jî Roja Axê di şaneşînan da hatîye pîroz kirin.

Komîteya Parastina Rojnamegeran (CPJ) ji ber nexweşiya koronavîrisû daxwaz kiriye ku hemû rojnamegerên girtî serbest bibin. Komîteyê diyar kiriye ku li seranserê cîhanê herî hindik 250 rojnameger girtî ne û dest bi kampanyayekê kiriye.

Li gorî amarên ku duh hatine aşkerekirin li Tirkiyeyê, 37 kesên nû ji ber Covid-19ê mirine. Nexweşî li hezar û 610 kesên din peyda bûye.

Mîthat Sancar, Hevserokê Giştî yê HDPyê dîyar kirîye, ku li dijî şewba vîrûsa Covîd-19yê divê "Navenda Koordînasyona Krîzê ya Neteweyî" bê avakirin û gotîye: Em ê navendekê ku agahiyên bi ewle bide civakê ava bikin."

Wezîrê Dadê dîyar kirîye û gotîye, ji îro pê va karmendên girtîgehan piştî ku karên wan qedîya wê neçin malên xwe, ew ê di cihên hatine îzolekirin da bimînin.

Li tevahîya cîhanê heta niha hejmara kesên ku bi vîrûsa Covid-19yê ketine ji 723 hezarî derbas kirine. Herweha hejmara pêketên vîrusê herî zêde li DYAyê ye.