Dayikên Aştiyê, Platforma Jin Bi Hev Re Bi Hêzin, Rêxistinên Elewiyan, Egîtîm-Sen, Nûneriya Egeyê ya DISKê, Rêxistina Bajar ya EMEPê, Gulîzar Bîçer Karaca, Erkan Baş, Sezgîn Tanrikûlû û parlamenterên HDPê di nav kesên ku ji bo şopandina dozê hatine de ne.

Parlamenterê Partiya DEVAyê, Mûstafa Yeneloroglûyî ji Wezîrê Karûbarên Hundir Suleyman Soylûyî pirsiye û gotiye: "Gelo lêpirsîn ji bo kuştina 3 Sûriyeyiyan destpê kiriye yan na?"

Semyanî di muzîka xwe de şêwe û rengên rojavayî bikar tîne. Ji ber wê mirov dikare bibête ew di nava lêgerînekê de ye. Ev lêgerîna wê xwe di vîdeo-klîb û naveroka stranên wê de jî diyar dike.

Dadgeha Bilind cezayê Nevîn Yildirimê pesend kiriye ku mêrê tundkariya zayendî lê dikir kuştibû û mafê xwe yê rewa bikar anîbû.

Ûcaya HDPyî binpêkirinên mafan ên li Efrînê li dijî jinan pêk tên ji Wezîrê Kar û Barên Derve, Mevlût Çavûşoglûyî pirsiye û gotiye, “Li Efrînê ji 18ê Adara 2018an heta 25ê Çiriya Pêşiyê ya 2021an 84 jin hatine qetilkirin."

Parêzer Jiyan Tosûnê got ku dozgeriyê ji bo her du lêpirsînên derbarê Garîbe Gezerê te tên kirin, biryara veşarîtiyê daye. Tosûnê diyar kir ku ew ê li dijî van biryaran derkevin.

Li Şîşlî, navçeya Stenbolê cîranên B.K. bi gefên homofobîk êrişî wî/wê û hevalê wî/wê kirine. Li mala ku B.K. lê dimîne gef lê xwarine, herî kêm 5 mêran hevalê/a wî/wê di apartmanê de derp kirine.

Parêzerên Îpek E.yê bertek nîşanî kêm kirina cezaya ku li Mûsa O. hatibû birîn dane û gotine, “Em edaleta rast dixwazin”. Mûsa O. “êrişa zayendî” li Îpek Erê kiribû û bûbû sedem ku ew xwe bikuj e.

Kargeh bi pêşengtiya Goksu Başaran, çêker û lîstikvanê ava bûye. Perwerdeya şanoya kargehê Can Kuzgun, perwerdeya pêş kamerayê jî dê Goksu Başaran bide.

Li Îzmîrê di hefteyekê de êrîşî sê jinên trans kirine. Di encamê de jinek birîndar bûye, yek jî miriye. Komeleya LGBTI+yên Ciwan daxwaz kiriye ku lêkolîna van êrîşan bila çêbibe û bila lêpirsînê bikin bê ka ti têkilî di navbera wan de heye yan na.

Li gorî daneyên Eleman.netê rêjeya lêgerîna kar a jinan heke bi sala 2019an ve were berhevkirin ji sedî 11, bi sala 2020an ve were berhevkirin ji sedî 9 kêm bûye.

CFWIJê di roja Têkoşîna Li Dijî Tûndkariya Li Ser Jinan de raporekê têkildarî tûndkariya li dijî rojnamegerên jin belav kiriye. Ji destpêka sala 2021an heta niha 790 rojnameger bi bûyerên weke tacîz, gef û tûndkariyê re rûbirû mane.

Jin li ser banga Platforma Jinan a 25ê Çiriya Paşiyê, li Qada Tunelê ya Stenbolê, li dijî tundkariya mêran kom bûn. Bi sedan jin û lûbûnya, di nava dorpêça polîsan de tundkariya mêran protesto kirin. Polîsan li ber Konsolxaneya Swêdê barîkat danîn. Polîsan bi gaz û guleyên plastîk êrîşî jinan kirine.

Tevna Têkoşîna li Dijî Tundkariyê ya Amedê rapora xwe ya salane aşkere kiriye. Li gorî vê raporê, li Amedê tundkarî li 2 hezar û 416 jinan û LGBTI+yan bûye.

Jin di 25ê Çiriya Paşiyê Roja Têkoşîna Navneteweyî ya Li Dijî Tûndkariya Li Ser Jinan de li gelek bajarên Tirkiyeyê wê li dijî tûndkarî, zayendperestî û sîstema cîs-heteronormatîfê çalakiyan li dar bixin.

Li gorî daneyên Wezareta Navxweyî mêran ji destpêka sala 2021an heta 15ê Çiriya Paşiyê heman salê 251 jin kuştine.

Biroya Alîkariya Hiqûqî ya li dijî Tecawiz û Tacîza Zayendî ya di Dema Desteserkirinê de diyar kiriye ku di 24 salan de 793 kesan serî li wan dane.

Komîsyona Jinan a Şaxa Amedê ya ÎHDê ragihandiye ku di encama tûndkariya mêran de li Amedê û bajarên derdora wê di nav 10 mehan de 30 jin hatine kuştin, 37 jin jî bi awayekî biguman mirî hatine dîtin, 19 jinan jî xwe kuştine.

Polîs û cendermeyan li Licê, navçeya Amedê, nûçegîhana Jin Newsê, Derya Ren û ya Ajansa Mezopotamyayê, Eylem Akdagê asteng kirine û derb li wan dane. Rojnamegeran li Liceyê bernameya jinan a li ser goristanê dişopandin.

Pembe Hayat, Komeleya Piştgiriya bi LGBTI+yan, bernameya “Roja Bîranînê ya Transên Mexdûr ên Êrîşên Nefretê li Wan Bûne” aşkere kiriye.