Ahmet Şik û Murat Sabuncu yên ku di 9ê Adarê de ji girtîgehê derketibûn beşdarî çalakiya Nobeta Edaletê bûn.

Parlamentoya Ewropayê (PE) ji Tirkiyeyê daxwaz kir ku ji “Efrînê derkeve”. Pêşnûma bi 371 dengan hat erêkirin. 241 kesan dengên neyênî bi kar anîn.

Xwendekarên doktoraya zimanê kurdî li ser gotarên di heqê zimanansiyê de kitêbek amade kir weşanxaneya Nûbiharê kitêb weşand.

Piştî hilbijartinên Almanyayê pênc meh borîn. Di roja duşemê de sê partiyan hevpeymaneka hevalbendiyê îmze kir û bû cara çarem ku Angela Merkel bû serokwezîra Almanyayê.

Serokê DYAyê Donald Trumpî li ser hesabê xwe yê Twitterê aşkere kir ku wî Wezîrê Karên Derve Rex Tillersonî ji wezife avêtiye. Trumpî, Mike Pompeoyî Serokê CIAyê anî ser wezîfeyê.

Çavkaniyên li Sûriyeyê diyar kirin ku sivîlên li derdora Efrînê dijîn, koçî navenda bajêr dikin. Heyva Sor a Kurdan gotiye ku milyonek sivîl li navenda bajêr dimînin.

Wekîlên ji Partiya Dad û Geşepêdanê(AKP) derb li wekîlê ji Partiya Gelan a Demokratîk(HDP) Mahmut Togrulî dan û milê wî şikand.

Rapora salê ya ku ji hêla Komîseriya Bilind a Mafên Mirovan a Neteweyên Yekgirtî duh li Cenêvê hat aşkerekirin. Zeyd Raad El Huseyîn Komîserê Mafên Mirovan got ku operasyona li ser Efrînê xetereyê li ser jiyana gelê sivîl dike.

Li ser daxwaza karmend Derya Bozovaliyê 8emîn Dadweriya Cezayan a Sulhê ya Stenbolê ya bianetê jî di nav de 11 navnîşanên URLyê yên nûçeyan asteng kirin. Nûçeya bianetê derbarê nîqaşa li ser rojnamegeriyê de bû.

Bi hinceta parvekirinên medyaya civakî yên derbarê Efrînê de fezleke ji bo Geverî, Ozgokçe Ertan û Botan, Parlamenterên HDPyê yên Wanê hatiye amadekirin. Fezleke ji bo Wezareta Dadê hatiye şandin. Bi heman hincetê lêpirsîn derbarê 4 parlamenterên din de hatibû vekirin.

Konseya Ewlehiyê ya NYyê îro careke din bilez kom dibe ku 24ê Sibatê ji bo Sûriyeyê biryara agirbestê standibû. Di civînê de wê li ser biryara agirbestê giftûgo bê kirin ku di pratîkê de nayê pêkanîn.

Weqfa Ragihandinê IPSyê ji bo danasîna biaOkulê ku wê perwerdeyên derbarê rojnamegeriyê êdî li vir berdewam bikin û ji bo înfografiya rapora tundkariya mêran a 2017yê bernameyek taybet li dar xist.

Wekîlê Wanê yê Partiya Gelan a Demokratîk(HDP) Lezgîn Botanî li ser derblêdana hevserokê Partiya Herêman a Demokratîk(DBP) Mehmet Aslanî pirsnameyek da meclîsê.

Tirkiyeyê ji Almanyayê xwestiye Salih Muslimî bigirin û wî bişînin Tirkiyeyê ku piştî daxwaza Tirkiyeyê Muslim li Çekyayê hatibû desteserkirin û paşê serbest bûbû. Muslim ji vir derbasî Almanyayê bûbû.

Wikizeroyê ji roja destpêka operasyona li ser Efrîne heta niha, ji çavkaniyên Tirkiyeyê, Sûriyeyû Kurdan daneyên cuda kom kiriye.

Di dîroka Ermenistanê de bû cara pêşiyê ku parlamentoyê serokkomar hilbijart. Ji endamên parlamentoyê 90 kesan ji bo Armen Sarkisyanî dengê erê da û 10 kesan jî dengê na da. Di encama dengdanê de Sarkisyan bû serokkomarê Ermenistanê.

Dadgeha Rûhayê ya Cezayên Giran a 5. ji ber wekîla Rûhayê ya ji Partiya Gelan a Demokratîk(HDP), Dilek Ocalan li Wêranşarê çûye tezîyekê, bi sûcê “propagandayê” 2 sal û 6 meh cezayê girtinê da wê.

Federica Mogherini Nûnera Yekîtiya Ewropayê ji Tirkiye, Rûsya û Îranê re name nivîsandin û bang li wan kir ku ji bo agirbest li hemû deverên Sûriyeyê pêk were gavên hewce bavêjin.

Parlamenteriya Yildirimî bi hinceta ku ji “heqaret li Serokomar kiriye”, ya Ayhanî jî bi hinceta ku “propagandaya rêxistina terorê” kiriye û cezayê girtîgehê li wan hatiye birîn hatiye betalkirin.

Dadgeha Pragê hevserokê berê yê Partiya Yekîtîya Demokratîk(PYD), Salih Mûslîm serbest berda.