Du xwendekaran li taxa Gazîyê ya Stenbolê wêneyê çayçêkera(ketila) Selahattîn Demirtaşî çêkiriye, polîsan ew desteser kirine, Dadgeha Stenbolê biryara girtina wan daye.

Yekîneyên Parastina Gelî(YPG) bi daxuyaniyekê daye zanîn ku şêwirmendên leşkerî yên YPGyê ji Minbîcê derketine.

Berdevkê hikûmetê, Bekir Bozdagî diyar kir ku Tirkiyeyê li Qendîlê operasyonên leşkerî kirine û “Tirkiye dikare paşê biçe Qendîlê. Her tişt dikare ji nişkê ve çêbibe.

Selahattîn Demîrtaş namzetê serokomariyê yê HDPyê yê girtî, wê bersiva pirsên ku heta 6ê Hezîranê li ser medyaya civakî jê hatine kirin, bide.

Serokkomar û serokê Partiya Edalet û Pêşdeçûnê(AKP) Recep Tayyîp Erdogan duhî li Diyarbekirê axivîye. Dema ku wî axiftina xwe ji şaşeya prompterê dixwend prompter xera bûye, axiftina wî ya li ser şaşeyê neherikîye, ew jî bêdeng bûye.

282 navên ji nifşê 68an bi daxuyaniyekê aşkere kirin ku ew di hilbijartinê de piştgiriya Selahattîn Demîrtaşî dikin.

Komeleya Navneteweyî ya Zelalîyê(Transparency Internatıonal-TI) li ser wextê televizyona dewletê ji bo berbijarên serokkomariyê cida kiriye raporek amade kirine.

Ji bo hilbijêrên li derveyî welatî pûsûlayên dengdanê hatine çapkirin. Ji bo hilbijêrên li Tirkiyeyê jî karmendan duhî dest bi çapkirina pûsûlayan kiriye.

Dadgeha Cezayên Giran a Enqereyê ji bo Emîrhan Baysalê ku li ser fanîlê/tîşortê wî Hero(qehreman, leheng) nivîsîbû biryara beraetkirinê daye.

Lijneya Bilind a Hilbijartinan(YSK) ji bo hilbijêrên ji çavên xwe ve kêmendam bikarin dengê xwe bidin destûra bikaranîna şablona dengdanê daye lê ji bo vê projeyê bûtçe cida nekiriye.

Berbijarê Partiya Gelan a Demokratîk(HDP), Selahattîn Demîrtaşî bi nivîskî bersiva pirsên FOX TVyê daye.

Di lîsteya misoger a Lijneya Bilind a Hilbijartinan (YSK) de ji HDPyê li 13 namzetan, ji İYİ Partiyê li şûna 6 namzetan, ji Partiya Saadetê li şûna 6 namzetan, ji Partiya Vatanê li şûna 3 namzetan, ji MHPyê li şûna 2 namzetan, ji AKPyê li şûna namzetekî, ji CHPyê li şûna namzetekî û ji HUDA PARê li şûna namzetekî yên din hatin diyarkirin.

Nûnerê Partiya Gelan a Demokrayîk(HDP) yê serokkomariyê, Selahattin Demirtaşî bersiva pirsên rojnameya The Nationalê ya Emîrîyên Hevgirtî yên Ereban daye.

Doza Ertûgrûl Mavîoglû û Çayan Demîrelî wê 23yê Çiriya Pêşiyê berdewam bike ku ji bo her yekî ji wan 5 sal cezayê girtîgehê tê xwestin.

Ji Wezareta Dadê hat xwestin ku destûra rojnamegeran bê dayin da ku karibin Demîrtaşî derxin programên xwe û pê re hevdîtinan bikin.

21 xwendekarên Zanîngeha Bogazîçîyê dê 6ê Hezîranê li Dadgeha Stenbolê ya li Çaglayan a Stenbolê bêne dadkirin.

Abdullah Gulgenê ku li ser navê HDPyê bibû namzetê Şirnexê û di rêza yekê de hatibû diyarkirin, ji ber nekarîbû biryara îadekirina mafên yasayî werbigire, ji hêla YSKyê serlêdana wî nehatiye qebûlkirin. Ji ber ku cezayê Idrîs Balûkenî hatiye erêkirin, wî mafê namzetiyê winda kiriye.

Serokkomarê Recep Tayyîp Erdogan serokê zanîngeha Weqfa Kulturê ya Antalyayê Prof. Dr. Hayatî Aktaş ji karê wî derêxistiye.

Saziya Perwerdeya Bilind(YOK) biryar daye ku serokê Fakûlteya Tibê ya Cerrahpaşayê, Prof. Dr. Alaattin Duran ji karî biavêje.

Şeva dî serokê Partiya Saadetê(Partiya Şadiyê) Temel Karamollaoglu û serokkomarê Tirkiyeyê Recep Tayyîp Erdogan li du televizyonên cida beşdarî bernameyên li ser siyasetê bûn, bîneran herî zêde li Karamollaoglûyî temaşe kiriye.