Kovara “Kürt Tarihi” di hejmara xwe ya 42yem de dosyayek li ser Bedirxaniyan amade kiriye. Kovar wê êdî weke e-kovar wî were firotin.

Feleknas Ûca, Hevberdevka Komîsyona Karên Derve ya HDPê Cejna Êzî ya êzidiyan pîroz kiriye û gotiye, êzidiyek tenê jî bimîne wê li Êzîdxanê û li Şengalê jiyana xwe bimeşîne.

FIFA 2020ê xelata baştirîn futbolîstê salê daye Robert Lemandowskî yî.

Sendîkaya Rojnamegeran a Tirkiyeyê(TGS) peymana bi Tevna Ragihandina Serbixwe(bianet) re nû kir.

Şirketa YouTube-ê daxuyandiye ku ew ê li Tirkiyeyê nûnerekî/e qanûnî aşkere bikin û nûnerê wan wê dest bi wezîfeyê bike.

Komeleya Lêkolînên Kurdî(Enstîtuya Kurdî ya Stenbolê), li ser Youtubeyê dest bi perwerdeya Kurdî kiriye.

Lijneya Hilbijêran seroktiya Joe Bidenî bi awayekî fermî aşkere kiriye.

DYAyê ji ber ku Tirkiyeyê S-400, sîstemên berevaniya asmanî ji Rûsyayê kirine, biryar daye ceza li hin rayedarên Tirkiyeyê bibire.

Ebrû Gunay, Berdevka HDPyê gotiye ku “Erdoganî careke din ferman daye darazê ku Selahattîn Demîrtaş, Fîgen Yuksekdag û hevalên me yên din ên dîlgirtî li hundir bihêle.”

Tê payîn ku îro li navenda Silêmaniyê xwepêşandaneke berfireh pêk were. Heta niha 8 xwepêşander û 2 hêzên emniyete hatine kuştin.

Li DYAyê li tevahiya 50 eyaletan û Washington DCyê encamên hijbijartinên serokatiyê fermî bûye. Carekî din hatiye erêkirin ku Joe Bidenî bi ser ketiye.

Xwepêşandanên ku di 6ê Kanûna Pêşiyê de destpê kirin, li çend navçeyên Silêmaniyê dewam dikin. Rojnameger Rêbaz Mecîd derbarê çalakvanan de wiha got: "Ew bi xwe ne meaşxwir in. Ne fermanber in. Zarokên fermanberan e ku 6 meh in meaş negirtine."

Piştî ku di 28 û 29ê Çiriya Paşiyê de 11em Civata Giştî pêk hat, endamên Lijneya Reveber ên Navendî diyar bûne.

Li avahiya Partiya Demokratîk a Gelan (HDP) ya Stenbolê amûrên guhdarkirinê hatine dîtin. HDPyê di daxuyaniya xwe de gotiye ku "ev rêbazên rêxistina paralel e."

Hatiye îdiakirin ku li Libyayê dest danîne ser keştiyeke Tirkiyeyê ku ala Jamaikayê pê ve daliqandî bûye. AAyê ragihandiye ku barê keştiyê derman in.

Adolf Hitler, siyasetmedarê Namibyayî di hilbijartinê de bi ser ketiye. Hitlerî gotiye, “Dema ez zarok bûm ev nav ji bo min tiştekî ji rêzê bû.”

Rojnamegerên Sînornenas (RSF) û Botan International dê bi hev re di navbera 15 πu 22yê Kanûna Pêşiyê ya 2020ê de Kargeha Rojnamegerîya Kurdî ya Dîjîtal pêk bînin.

Serlêdanên ji bo serdema payîzê ya Akademiya Îsmaîl Beşîkciyî destpê kirine. Ders wê di bin sernavê “Tecrubeya Perwerdehiya Kurdî” de werin dayîn.

Paylanî gotiye ku li gorî gotina Wezîrê Tenduristiyê, vaksîna Çînê li xizanan belav bikin lê ya Pfizerê wê li dermanxaneyan bifiroşin ku hinekî din pêbawer e.

Komeleya Lêkolînên Kurdî wê kurên soranî, hewramî û kelhûrî bide destpêkirin.