Josep Borrel, Nûnerê Bilind yê Polîtîkayên Ewlekariyê û Peywendiyên Derve yê YEyê destnîşan kiriye ku ew ji bo kiryarên li dijî HDPê yên weke girtin, tayînkirina qeyûman û rakirina parêzbendiya parlamenteran bi endîşe ne.

Pervîn Bûldan, Hevseroka Giştî a HDPê gotiye, “Ji wêneyên ku hatine girtin yek jê me negirtine, telefon qedexebû. Ev wêneya ku li Îmraliyê hatiye girtin, kê girtiye, kê da me? Bila Soylû vîya lêbikole?

Li Amedê Platforma Zimanê Kurdî û Tora Ziman û Çanda Kurdî ji bo ku kurdî bibe zimanê fermî û perwerdehiyê kampanyaya îmzeyan dane destpêkirin. Mîthat Sancar, Hevserokê Giştî yê HDPê, nûnerên partiyên Kurd, nivîskar, zimannas û rêxistinên sivîl beşdarî civîna kampanyayê bûne.

Suleyman Soylû, Wezîrê Karûbarên Navxweyî îdia kiribû ku Dîlan Dîrayet Taşdemîr, Parlamentera HDPyê “çûye Gareyê”. Taşdemîrê gotiye ku ew ê giliyê Soylûyû bike.

Kargeha Rojnamegeriya Mafparêz a bi kurdî a Atolye BIAyê destpê kir. Di her du rojên pêşiyê de dersdaran behsa rojnamegeriya mafparêz a bianetê, nûçegihaniya jinparêz û nûçeyên derbarê çîrokên jiyana mirovan de kirin.

Prof. Dr. Cemşîd Heyderî, Kurdolog û Zimannas li ser mijara bikaranîna alfabeyên latînî û erebî destnîşan kir û got, “Di çarçoveya bernameyek fermî de mimkune ku alfabeyeke hevpar bê bikaranîn. Divê tevahî Kurd her du alfabeyên latînî û erebî fêrbin.”

Tora Raporkirin, Belgekirin û Çavdêriya li Mafên Zimanan di 21ê Sibatê Roja Zimanê Dayikê ya Cîhanî de daxwazên xwe bi 19 zimanên Tirkiyeyê aşkere kirine.

Dadgeha Bilind 2 sal û 6 meh cezayê girtîgehê yê dadgehekê li Omer Faruk Gergerlîoglû, Parlamenterê HDPyê birîbû, pesend kiriye.

Egîtim-Sena Wanê û Saziyên Demokratîk ên li Wanê bi boneya 21ê Sibatê Roja Zimanê Dayîkê daxuyaniyek dane û gotine, “Li Tirkiyeyê kiryarên pişaftinê bi rê û rêbazên cuda didomin”

Ji bo kirmanckiya ku di nav zimanên di bin xeteriyê de ne zindî bê hiştin kampanya tên destpêkirin. Di 21ê Sibatê Roja Zimanê Dayikê ya Cîhanê de bi hashtaga #ZoneMuwaXoQeseyke wê kampanya li ser medya civakî bê destpêkirin.

Komeleya Lêkolînên Kurdî ji bo 21ê Sibatê Roja Zimanê Dayikê ya Cîhanî daxuyaniyek daye û gotiye: “Desthilatdarên Tirkîyeyê her roj hêrişî zimanê kurdî dikin û dixwazin wisa bikin ku kurdî di qada giştî de neyê axaftin.”

Perseverance, wesayita NASAyê piştî rêwîtiyeke 7 mehan li ser Marsê ango Merîxê daniyê.

DEMDER, di 21ê Sibatê Roja Zimanê Dayîkê de wê bi kurmancî, kirmanckî/zazakî û soranî, şêwezarên kurdî dest bi qursan bike.

Selahattin Demirtaşî têkildarî mirina 13 polîs û leşkeran daxuyaniyek daye û wiha gotiye: “HDP û mixalefetê weke berpirsiyar nîşan didin, ev xeflet e. Desthilat e ya ku divê hesabî bide gelî.”

Recep Tayyîp Erdogan, Serokomar û Serokê Giştî yê AKPyê, Kemal Kiliçdaroglû, Serokê Giştî yê CHPyê û Mîthat Sancar, Hevserokê Giştî yê HDPyê di civînên xwe de “Gare” nirxandine.

Suleyman Soylû, Wezîrê Navxweyî û Hûlûsî Akar, Wezîrê Berevaniya Neteweyî serdana Kemal Kiliçdaroglû, Serokê Giştî ê CHPyê û Meral Akşener, Seroka Giştî a İYİ Partiyê kirine û derbarê operasyona Gareyê de zanyarî dane.

Wezareta Karûbarên Navxweyî aşkere kiriye ku 718 kes hatine desteserkirin. Hevserokên HDPyê yên bajar û navçeyan jî di nava kesên desteserkirî de hene.

Ji ber nirxandinên wan ên li ser medyaya civakî yên derbarê “Gare”yê de, lêpirsîname ji bo Huda Kaya û Omer Faruk Gergerliogluyî amade kirine.

Parêzer Elîf Bîrkîlî, Seroka Lijneya Zimanê Kurdî a Baroya Amedê got, Baro bi kelecan e ku yekem kovara hiqûqê ya bi kurdî di weşîne. Yekem hejmara kovarê wê di nava çend rojan de çap bibe. Baro hêvî dike ku kovar di qada hiqûqê de mayînde bibe.

Çînê weşana BBC World Newsê daye sekinandin. Rêveberiya Fîlm, TV û Radyoyê ya Dewletê li Çînê di daxuyaniya xwe de îdia kiriye ku BBC World Newsê di hin nûçeyên xwe yên derbarê Çînê de “xalên rastî û bêalîtiyê” binpê kiriye.