Dewletên Yekbûyî yên Amerîkayê (DYA) ragihandiye ku yek ji serkirdeyê DAIŞê Maher el-Agal li gundê Cinderesê yê Helebê di encama êrîşeke hewayî de hatiye kuştin. Al-Agal li ser motorsîkletê ji aliyê SÎHAyê ve hatiye kuştin. Herêm di bin kontrola Artêşa Neteweyî ya Sûriyeyê (SMO) ya ku Tirkiye piştgiriyê dide de ye.

Parlamentera Swêdî-Kurd a serbixwe Amîneh Kakabavehê gotiye ku piştî Erdoganî vetoya xwe rakiriye, hikûmeta Swêdê, çar penaxwaz radestî Tirkiyeyê kirine. Kakabavehê ji hikûmeta Swêdê daxwaz kiriye ku nasnameya van kesan aşkere bike.

Awistirya wê xwediyê SBK Holdîngê yê Sezgîn Baranî di 15ê Tîrmeha 2022yê de radestî DYAyê bike. Korkmaz ji Hezîrana 2021ê û vir ve li Awistiryayê girtî ye û Tirkiye jî dixwaze wî radestî wan bikin.

Osman Kavala biryara dawî ya ku Daîreya Mezin a DMMEyê şîrove kiriye û gotiye: “DMMEyê di biryara xwe ya duh di diyar kiriye ku pêkanînên nehiqûqî û bandorên siyasî yên li ser pêvajoya darazê hîna dewam dikin.”

Shinzō Abe li bajarê Narayê yê Japonyayê beşdarî civînekê hilbijartinê bûye û li wir di encama êrîşeke çekdarî de birîndar bûye. Abe li nexweşxaneyê miriye.

Dadgeha Destûra Bingehîn di doza jêrzemînên Cizîrê de gotiye ku mafên qurbaniyan nehatiye binpêkirin û serlêdana ji bo wan qebûl nekiriye.

Serokê Rûmetê yê PENa Kurd Dr. Zerdeşt Hacoyî diyar kir ku wan ji Wezareta Karûbarên Derve ya Almanyayê re name nivîsandiye lê ti bersiv ji nameya wan re nehatiye dayîn.

Di demên dawiyê de Serokomar Recep Tayyîp Erdogan û rayedarên hikûmetê di gotarên xwe de behsa tevgereke leşkerî ya li dijî herêmên Bakur û Rojhilatê Sûriyeyê de dikirin.

Komîteya Edaletê ya Êzidiyan (YJC) raporek amade kiriye û tê de diyar kiriye ku “Tirkiye di çalakiyên qirkirina Êzidiyan de hevkariya sûcan kiriye û divê ji ber wê li Dîwana Edaletê ya Navnetewî de bê dadgehkirin.”

Piştî Kongreya Asayî ya HDPyê bidawî bûbû, Serdozgeriya Komarî ya Enqereyê yekser lêpirsînname amade kiribû.

Li gorî TUÎKê enflasyona salê bûye ji sedî 78, lê ENAGê aşkere kiriye ku ji sedî 175 e. Li gorî ENAGê di meha derbasbûyî de herî zêde bihayê xaniyan zêde bûye.

Di Kongerya Asayî ya Mezin a 5an a HDPyê de, Pervîn Bûldan û Mîthat Sancar, careke din hatine hilbijartin. Serdozgeriya Komarî ya Enqereyê ji ber sloganên di dema kongreyê de hatien berzkirin, lêpirsînnameyek dape destpêkirin.