Hevserokê Gişti yê HDPê Selahattîn Demirtaş gotinên Erdogan yên ‘Eger pêwist be em ê dîsa balafira Rûsyayê bixin, em ê bi ti awayî lêborîn naxwazin’ bi bîr anî û got: ‘Ew pirsgirêkana bi nameyeke çareser nabe.’

Serokwezîr Yildirimî jî gotibû ku naveroka nameyê gelek zelal e, wan xemgîniyên xwe anîn ziman û amade ne ku tamînatê jî bidin. Lêbelê AAyê hêjî îdia dike ku di wê nameya ku Erdoganî ji Putîî re şandiye de bi ti awayî behsa lêborîn û tazmînatdayînê nîn e.

Serokê Dîwana Konfederasyona Rûsyayê lêborînxwestina Erdoganî wek gaveka erênî nîşan da. Serokê Dîwana Têkiliyên Navneteweyî, Konstantin Kosaçevî diyar kir xwestina lêborînê ne bes e.

Yildirimê serokwezîr bersiva pirsên li ser hevpeymana digel Îsraîlê, lêborînxwestina ji Rûsyayê û têkiliyên digel Yekîtîya Ewropayê da.

Yildirimê serokwezîr got: ‘’ [Îsraîl] dê 20 milyon dolaran wek tazmînat bide [Tirkiyeyê], dê astenga li ser Filistînê dê rake TOKI dê li Gazzeyê avahiyan çêbike.’’

Di hilbijartina Îspanyayê de dengên herî zêde partiya Mariano Rajoyê serokwezîr stand. Partiya serokwezîrî ya bi navê Partiya Gelî nikare bi serê xwe hikumetê ava bike û dê bi partiyên dî re hikûmeta bi koalîsyonê pêk bîne.

Piştî referandûma Brîtanyayê David Cameronî gotiye: ‘’ Ez di wê hizrê de me ku welatê me hewceyî hikûmeteka nû ye. Lê belê serkêşê wê dê ne ez bim.’’

Şahidên Komkujîya Liceyê îro li dadgehê, gotin ka çawa mala wan û kargehên wan hatin şewitandin û lêzimên wan bi çi awayî hatin kuştin.

Yekîtîya Ewrpoyê rapora li ser ‘’karkirina saziyên demoktîk ên li Tirkiyeyê’’ qebûl kir. Not û şeş parlamenteran ji bo qebûlkirina raporê dengê erênî bi kar anî, 24 parlamenteran jî dengê neyînî bi kar anî, deh parlamenteran biryarek neda.

Parêzbendiya parlamenteran hat rakirin, HDPyê ji bo parlamenterên xwe yên bên dadkiririn parastnameyeka hevpar belav kir. Parlamenterên ku dê bêne dadkirin dê bi tenê vê nivîsê bixwînin û bersiva ti pirsên dî nedin.

Piştî rakirina parêzbendiyan her du parlementerên Mûşê yên HDPê Burcu Çelik Ozcan û Ahmet Yildirim ji bo îfadedayînê gazî dozgeriyê hatin kirin.

Serokomar Erdogan got: ‘Eger yên li dijî DAIŞê ne rêxistina teror ne, hûn çima ji El Nusrayê re dibêjin rêxistina teror? El Nusra jî li dijî DAIŞê berxwedaneke mezin dide.’

Çîlem dogan duhî êvarî ji girtîgehê derket û got: ‘Da ku Mûjankên me nekevin erdê em ê têkoşîna xwe bidomînin.’’*

Erol Onderoglu, Şebnem Korur Fincanci û Ahmet Nesinê ku bi nobedariyê ji bo rojnameya Ozgûr Gûndemê bûbûn berpirsên weşanê, bi hêceta ‘’propagandakirina rêxistina terorî’’ hatin girtin.

Serdozgerîya Stenbolê daxwaz kir ku seroka TIHVyê bê girtin, TIHVyê xwest ev biryar demildest bê betalkirin.

Zanîngeha Bîlgîyê, dersdêra zanîngehê, Prof. Dr. Zeynep Sayin Blikçioglû ji karê wê yê li zanîngehê derêxist, Prof. Dr. Christoph K. Neumann ji bo nîşandana nerazîbûna ji vê yekê dest ji karê xwe berda.

Swîsrayê ji beriya 24 salan bi daxwaza endambûna Yekîtîya Ewropayê serî li wê rêxistinê dabû, Swîsrayê ew daxwaza xwe betal kir.

Dewra perwerdeyê ya salên 2015-2016ê îro qediya. Ezmûnên xwendekarên xwendina navê û lîseyê hene. Dewra perwerdeyê ya salên 2016-2017ê dê li 19ê Îlonê dest pê bike.

Erdoganê serokkomar piştî xwarina fitarê axivî û ji Yekîtîya Ewropayê re got: ‘’ Hûn dixwazin bi wan pertalan peyaman ji kê re rêkin? Bila hûn bizanin ku ev kiryar dilê Tirkiyeyê xweş nakin.’’

Hevserokatiya Konseya Rêveber a KCKê di daxuyaniya xwe ya îro de got: ‘Pirsgirika kurdî ancax bi desthilatdariyeke xwedî zihniyeta demokratîk re çareser dibe.’