Li gorî rapora “Berdêla Nûçeyan” a Komeleya Rojnamegeran amade kiriye, di meha Tîrmehê de 49 rojnameger li ser hev bi 440 sal cezayê girtîgehê hatine dadgehkirin.

Ji ber ku derbarê êrîşa nîjadperest a li Konyayê de peyamek weşandiye dozgeriyê îfadeya rojnameger Ozgur Bogatekînî wergirtiye. Bogatekînî demeke berê jî ji ber êrîşa nîjadpereset a li Sakaryayê, rexne kiribû, dozgerî îfadeya dabû dozgeriyê.

Rojnameger Erdem Şahin, Fatih Erdogan, Bulent Kiliç, Kubra Koklu, Yasin Akgul, Emre Orman, Ozan Acidere û Zeynep Kûray ji ber tundkarî li wan kirine giliyê polîsan kiriye. Polîsan rojnamegeran li Stenbolê bernameya bîranîna Qetlîama Pirsûsê dişopandin, tundkarî li wan kiribûn.

Li gorî rapora Expression Interruptedê di mehên Gulan û Hezîranê de 109 rojnameger hatine dadgehkirinû 9 sal û 8 meh cezayê girtîgehê li 4 rojnamegeran birîne. Tundkariya polîsan a li diji rojnamegeran û astengî her diçe zêdetir dibe ku êrîşî herî hindik 5 rojnamegeran kirine.

Wezareta Karûbarên Navxweyî ya Almanyayê bi Deutsche Welleyê re axiviye û gotiye ku ew tundkariya li ser rojnamegerên Tirkiyeyî yên li Almanyayê dijîn, şermezar dikin.

Baroyên 48 bajaran daxuyanî dane û rojnameya Yenî Şafakê şermezar kirine. Rojnameya Yenî Şafakê baroyên ku li dijî êrişên nijadperest daxuyaniya hevpar dabûn, kiribû hedef.

Polîsên Almanyayê “lîsteya kesên wên bên kuştin” piştrast kiriye ku çend roj in di rojevê de ye û navê siyasetmedar û rojnamegeran tê de ye. Polîsan ji rojnameger Celal Başlangicî re gotiye ku metirsî li ser jiyana wî heye.

Rojnamegeran li Gurcistanê di êrişên homofomîk yên 5ê Tîrmehê de hedefgirtina rojnamegeran li parlamentoyê protesto kirine.

Komîteya Parastina Rojnamegeran nameyek vekirî ji Fahrettîn Altûnî re nivîsiye û tê de xwestiye ku divê reform di rêziknameya karta çapemeniyê de were kirin. Her weha tevahî rojnamegerên ku li gorî pîvanê ne divê bêyî ku li nêrîna wan a siyasî û saziyên wan were temaşekirin demildest kartên wan yên çapemeniyê bidine wan.

Di mehên Nîsan-Gulan-Hezarana 2021an de 18 rojnameger weke bersûcên ku “heqaret li Serokomarî kirine” bi daxwaza 84 sal cezayê girtinê hatine dadgehkirin. Di heman qonaxa sala par de ev hejmar şeş bû.

Hêzên Ked û Demokrasiyê li Qada Gundogdûyê ya Îzmîrê xwenîşandanek li dar xistiye. Hêzên Ked û Demokrasiyê ev mesaj dane: "Em ê bi hev re welatekî wekhev, azad û demokratîk ava bikin."

Dadgehê bi tohmeta ku bi çekê gefa kuştinê xwariye, bi zanebûn birîndar kiriye û çeka bêdestûrname li ser wî hatiye girtin, 3 sal û mehek û 15 roj cezayê girtîgehê li Mûrat Şahînî biriye.

Komeleya Rojnamegeran a Tirkiyeyê îsal Bulent Kiliç û Tolga Şardan hêjayî "Xelata Azadiya Çapemeniyê" dîtiye. Di warê saziyan de jî Yekîtiya Doktoran a Tirkan û Pêkhateyên Berxwedana Demokratîk ên Zanîngeha Bogaziçiyê hêjayî xelatdayînê dîtine.

Rojnameger Erk Acarer aşkere kiriye ku ew li mala xwe ya li Berlînê rastî êrişa bi kêrê hatiye û metirsiyekî jiyanî li ser wî çênebûye. DÎSK-Basin-Îşê bertek nîşanî êrişê daye û gotiye, “Hûn nikarin bi pêkanîna van êrişan rastiyan asteng bikin. Em li gel Erk Acarerî ne”

Rojnameger Peter R de Vrîes duh êvarê piştî ku li weşana zindî derketiye li kolanekî Amsterdamê di sere xwe û laşê xwe de gule xweriye.

Rojnamegerên Sînornenas Recep Tayyîp Erdoğan careke din xistiye lîsteya “Dijminên Azadiya Çapemeniyê.”

Di doza Rojnameya Ozgur Gundemê de dozgerî bi îdiaya ku li ber karê desteserkirinê yê polîsan bûne asteng, xwestiye 22 rojnameger werin cezakirin.

Bi îdiaya ku “heqaret li Erdogan û Davûtoglûyî kiriye” 12. Dadgeha Cezayê Giran a Amedê 2 sal û 17 meh cezayê girtîgehê li rojnameger Hakki Boltanî biriye.

Rojnameger li ber avahiya Walîtiya Stenbolê hatin ba hev û ji ber tundkarî li hempîşeyên wan Bulent Kiliçî kirine û ew desteser kirine, bertek nîşanî polîsan dan. Kiliçî got: “Polîsê pê li stûyê min kir hê jî li ser kar e, kî ji me xwe di nava ewlehiyê de dibîne?”

Sarah Clarke, rayedara Article 19ê gotiye, “Rayedarên Tirkiyeyî ji bo civaka sivîl a li welêt bifetisîne, tundkariyeke zêde bikar tînin. Divê tundkariya polîsan a li dijî protestoyên aştîyane bidawî bibe. Civaka navnetewî li cem xwenîşandarên Stenbolê ye ku li dijî bêdengiyê derdikevin.”