Îro li 30em DCGyê de Akademîsyen Ozlem Şendenîzê beraet kiriye.

Karker Taner Ûnlûyê ku li navçeya Çalê ya Denizliyê di kanaya mermeran de dixebitî di bin zinarekê de maye û miriye.

Li Xelfetiyê lêpirsîna ji ber îşkenceyê ya li polîsan encam nedaye lê ji ber ku fotografên îşkenceyê par ve kiriye doz li Hevberdevka HDKyê ya Enqerê Fatma Kilicarslanê hatiye vekirin.

Piştî ku Dadgeha Destûrî biryar da û got “mafên wan hatiye binpêkirin” danişîna yekem a Akademîsyenên Aştîxwaz li Edliyeya Stenbolê pêk hat.

Polîsan li Stenbol û Enqereyê midaxele li wan çalakiyan kiriye ku ji bo biryara tayînkirina qeyûman a li ser Şaredariya Bajarê Mezin a Mêrdîn, Wan û Amedê protesto bikin hatine li dar xistin.

Rêveberiya Hong Kongê aşkere kiriye ku wan pêşnûmeya bûye sedema protestoyan bi paş de kişandiye.

Serdozgeriya Komarî ya Enqereyê li dijî biryara tehliyekirina Demîrtaşî derketiye. Dadgeheke bilind wê daxwaza serdozgeriyê binirxîne.

Li navçeya Basa ya Şirnexê ji ber ku devikên bendavê hatine girtin Cizîr bê av mane. Şaredarê Cîzirê Mehmet Zirigî got, “Em li berpirsiyaran digerin lê belê deng nabine xwe.”

19em Dadgeha Cezayê Giran a Enqereyê biryara tehliyeya Selahattîn Demîrtaşî daye. Lê ji ber ku di dosyayeke din de ceza lê hatiye birîn, Demîrtaş wê di girtîgehê de bimîne.

Parêzerên Demîrtaşî aşkere kiriye ku ji ber ew amadekariyê ji bo danişîna dadgehkirina li DMMEyê dikin beşdarî danişîna dadgehkirina Demîrtaşî ya îro nabin. Parêzer Karamanî gotiye, “Em li bendê ne Daîreya Mezin jî biryara binpêkirina mafan bistîne.”

Li navçeya Keşanê ya Edîrneyê, wesayîtek qelibîye ku penaberên afganî tê de bûne. Di encamê de ajokar û 13 penaber birîndar bûne.

Walîtîyên Amed, Wan û Antalyayê daxuyandiye ku li mîtîngên aştiyê gotinên “qeyûm”,”qesir” û “derbe” qedexe ne.