ÎHD, Navenda Mafên Mirovan a Baroya Wanê, Şaxa OHDê ya Wanê, Nûnertiya ÇEV-DER û nûneriya TÎHVê ya Wanê, ji bo lêkolînkirina hestiyên ku li gundê Partaşê piştî ava bendavê kêm bûye û derketine ser rûyê erde serî dozgeriyê dane.

Coşkûn Ustercî, Sekreterê Giştî TIHVê diyar kiriye û gotiye, “Em bawer dikin ku ev şaşiya mezîn dê were rastkirin û hevala me ya xoşewîst Şebnem wê mîsoger were beraetkirin.”

Tirkiye û YE jî di nav de gelek welat û saziyên navneteweyî biryara Talîbanê ya ji bo qedexekirina perwerdehiya jinan li zanîngehê şermezar kirine.

Hevserokê KCDê Berdan Ozturk û parlamenterên HDP’ê li dijî tecrîdkirina Rêberê PKKê Abdullah Ocalan li ber Wezareta Edaletê çalakiya rûniştinê dane destpêkirin û gotine, “heta ew bigîhijin encamê dê çalakiya xwe bidomînin.”

ÎHD: “Em çalakiya tund a li dijî Ferhat Encuyî, desteserkirina bi derblêdanê ya malbatan û rojnamegeran û astengkirina Hevserokên Giştî yên HDPyê şermezar dikin.”

Girtiyên ku li Girtîgeha Ewlekariya Bilind a Eregliyê di hucreyên yek kesî de dimîne, li dijî binpêkirinên mafan di greva birçîbûnê de ne.

Fatma ya ku ji sala di 2015an ve li Amedê penabere diyar kir ku nêzîkatiya li hemberî me pir zehmet e û got, “Ez wek penaberek, wek jinek û wek dayîkek her tim bi zor û zehmetiyan re rû bî rû dimînim.”

Ekîbên dije terorê danê sibê bi ser mala Sîbel Tekîn, Derhênera Belgefîlman de girtine û ew desteser kirine. Her weha sedema desteserkirina Tekînê heta niha diyar nebûye.

Baroya Amedê ji ber ku di bernameya Esra Erolê ya li ATVê weşanê dike de axaftina bi kurdî ya dayikekê Kurd û keça wê hatiye qutkirin, bi sedema ku Erolê “nîjadperestî kiriye” gilî kiriye.

Di doza GOZIZDERê de ji bersûcan 4 jê tehliye bûne. Endam û rêvebirên GOÇIZDERê dihatin dadgehkirin.

Kekê Gokalan, Nûman Gokalan di derketina goristanê de qala têkoşîna wan a bi salan a ji bo gihiştina cenazeyê birayê xwe kir. Gokalan, daye zanîn ku beriya 5 salan ji bo testa DNAyê mînaka xwînê dane STEyê lê ji wan re gotine ku “Divê an dayik an jî bav mînaka xwînê bide."

Malbata Şenyaşar di roja 646emîn de Nobeta xwe ya Edaletê didomîne û wiha gotiye: “Em çi ji bo xwe bixwazin ji bo mirovahiyê jî dixwazin.”

Ji ber ku ATV û Esra Erolê axavtina bi kurdî asteng kiriye, saziyên zimanî di daxuyaniya xwe de diyar kiriye ku “Divê berpirsên kanala ATV û pêşkêşvan Esra Erol demildest lêborîna xwe ji neteweya kurd bixwazin.”

Ji ber ku li stargeha Konyayê bi îşkenceyê kûçik kuştine, dozgerî xwestiye gumanbar bi çar sal cezayê girtîgehê bên cezakirin.

Serokomar Recep Tayyîp Erdoganî biryarên lidarxistina du grevên li fabrîkayên Bekaert Çelîkê yên li Koaceliyê heta 60 rojan betal kiriye. AKPyê heta niha 19 biryarên lidarxistina grevan betal kirine.

Li gorî rapora Meclîsa ISIGê, di 11 mehên despêkê yên sala 2022yê de bi kêmanî hezar û 658 karker mirine.

Ajans 65ê di nûçeya xwe de diyar kiriye ku, piştî ava Bendava Koçkopruyê ya li ser Çemê Zîlanê kêm bûye, “hestiyên mirovan derketine ser rûyê erdê”.

Polîsan girseya ku kom bû dorpêç kir ku Parlamenterên HDPyê Hişyar Ozsoy, Garo Paylan, Dîlan Dîrayet Taştemîr û Hevseroka Giştî ya DBPyê Salîha Aydenîz jî di nav de bû. Her weha rojnameger ji cihê çalakiyê dûr xistin.

Mafparêz û xebatkarên tenduristiyê ji bo ku Seroka Konseya Navendî ya TTByê Şebnem Korûr Fîncanci azad bibe, li Amedê "Nobeta Azadiyê" digirin.

Rêxistina Çavdêriya li Mafên Mirovan (HRW) di daxuyaniya xwe de diyar kiriye ku êrîşên asmanî yên Tirkiyeyê, rewşa mirovî ya gelekî xeternak a li Bakur Rojhilatê Sûriyeyê xeternaktir dike û ji bilî rûxandina binesaziya sivîl di encameke din nade.