Piştî komkujîya li Orlandoyê, wezareta Karên Derve bi daxuyaniyeka kurt sersaxî ji welatiyên Dewletên Yekbûyî yên Amerîkayê(DYA) re xwest, hevserokê HDPyê jî ji balyozxaneya DYAyê re nameyek nivîsî.

Hevserokê, Şaredariya Bajarê Mezin a Amedê, Firat Anliyî dîyar kir ku li navçeya Sûrê ya pevçûn lê heyî û [beşek jê] ji dewletê re hatiye malkirin tê xwestin ku welatî jê bar bikin. Bi şandina niştecihên wê derê tê xwestin çand û demografiya bajarî bê guhertin.

Wezîrê dadê, Bekir Bozdagî diyar kiriye ku dosyeyên li ser parêzbendiyan ji bo dozgerîyan hatine rêkirin.

Terebazên Azadiya Kurdistan (TAK) daxuyanî da û êrişa bombeyî ku di 7ê Hezîranê de li Stenbol Veznecilerê li dijî wesayîta polêsan pêk hat, girt ser xwe.

Hêzên Parastina Gel (HPG) bi daxuyaniyeke êrişa li dijî avahiya emniyetê ya Midyatê girt ser xwe.

Li navçeya Midyatê ya Mêrdînê li dijî avahiya emniyetê bi wesayîta bombebarkirî êriş pêk hat. Piştî êrişê pevçûn derket.

Ji bo rojnameger Hayrî Tunç bi hinceta ‘bi parvekirinên medyaya civakî de û bi wêneyên nûçeyan propagandaya rêxistinê kiriye’ ji hêla 13. Dadgeha Cezayê Giran ya Stenbolê ve 2 sal cezayê girtinê hat dayîn.

7. Hefteya Rûmeta Transan di 13ê Hezîranê de bi dirûşma ‘Bexwedan û Aştî’ wê dest pê bike û 19ê Hezîranê de bi meşeke girseyî bi dawî bibe.

Bloka Aştiyê bangî serekaniya tirk û hemû rayedaran kirin ku derbarê aqûbeta Hûrşît Kulterê ku 11 roj in jê agahî nayê girtin de daxuyanî were dayîn.

Cenazeyê Rozerîn Çukurê ku di 8ê Çileyê de li Sûrê hatibû kuştin, piştî testa DNAyê hat tespîtkirin.

Erdoganî li civîna KADEMê gotiye: ‘’Jina ku ji ber karkirinê xwe ji dayikbûnê vede(bi dûr bixe) jinbûna xwe înkar dike.’’

Di nav 3 salên borî de li dijî sivîlan 10 êrişên bi bombeyan pêk hatin û di encamê de 275 kes hatin kuştin. 223 ji wan kesan di nav salekê de hatin kuştin. Bes derbarê êrişekê de doz hate vekirin. Derbarê hemû lêpirsînan de biryara veşartinê hate dayîn.

Doza Nîhat Kazanhanê 12 salî ku li Cizîrê ji hêla hêzên dewletê ve hatibû kuştin de daxwaza serbestberdana polêsê girtî hat redkirin û doz taloqî 12ê Tebaxê hat kirin.

Rêxistina Bexişînê ya Navneteweyî, raporeka bi navê ‘’ Sitargeha ne ewle: Penaberên li Tirkiyeyê baş nayên parastin’’ belav kir û ji YEyê(Yekîtîya Ewropayê) xwest ew plana xwe ya ji bo şandina penaberan betal bike.

Di meha Gulanê de ya kêm 119 karker mirine, 6 ji karkerên mirîn jin bûn, 113 mêr bûn, 3 zarok bûn û 42 ji wan pîr bûn.

Velî Kuçuk, Kemal Kerinçsiz û Ozel Yilmaz jî tê de derbarê 24 kesên ku ji doza kuştina Hrant Dink dihatin darizandin de biryara lipeyneçûnê hatibû dayîn. Parêzerên malbata Hrant Dink dê li dijî wê biryarê serî li Dadgeha Makeqanûnê bide.

Şeyma Urpera parêzer dîyar kiriye ku 5 roj in ji Hurşit Kulteri ti agahî ne hatine standin. Tê texmînkirin ku Kulter li dema hatibû desteserkirin hatibe bêserûşûnkirin jî.

Li sersala berxwedana Gezîyê polîsan dora Parka Gezîyê û Meydana Taksîmê bi bendan asteng kir. Polîsan hemî rêyên diçin Meydana Taksîmê girtine.

Yilmaz Encuyê ku li gundê Roboskiyê di encama êrişa hêzên dewletê bi giranî birîndar bûbû, îro canê xwe ji dest da.

Beriya daxuyaniya çapemeniyê ku ji bo salvegera Berxedana Geziyê wê îro li parqê pêk bihata, her alî ji hêla polêsan ve hatiye dorpêçkirin.