Komîteya Çavdêriya Mafên Sewalan (HAKÎM) derbarê du wekîlên AKPê ku li meclisê pankarta ‘Kûçik nikarin têkevin vir’ vekiribûn de daxuyanî da û wan şermezar kirin.

CISST/TCPSê mîkrofonên xwe dirêjî malbatên nexweş kirin. Malbatan rewşa girtiyên nexweş, yên ku hatine sere wan û rexneyên li Tîpa Edlî anîn ziman.

Piştî jikaravêtina hevşaredarê Dutaxê qaymeqamê navçeyê weke qayûm li şaredariyê hat tayînkirin.

Walîtîya Dîlokê da zanîn ku kesek ji ber êrîşa li Emniyeta Dîlokê hatiye kuştin.

Walîtiya Enqereyê heta 30 rojan hemû çalakî, meş, lîstik, raxistek û daxuyanîdayîn li her derê bajêr qedexe kirin.

Wezîrê dadê, Bekir Bozdagî da zanîn ku ji Çiriya Pêşiyê ya 2009ê hata 2016ê di girtîgehan de 2 hezar û 300 girtî mirine.

Hêzên Çekdarên Tirkan(TSK) da zanîn ku meh û nîv e wan ti agahî ji leşkerê li Sûriyeyê nestandibû. Dîyar bûye ku ew leşker mirine.

Di hefteya 615. ya Dayîkên Şemiyê de piştî xwendina metna daxuyaniyê Masîde Ocak bi îdiaya hat binçavkirin ‘propagandaya rêxistinê kiriye’ hat binçavkirin û piştî îfadedayîna li emniyetê ew serbest hat berdan.

Hevşaredarên Qulp, Wêranşar û Hewengê hatin girtin, li Şaredariya Mehsertê jî piştî girtina hevşaredaran qayûm hat tayînkirin.

Rojnameger Ahmet Şik ku di bin tecrîtê de ye, derket holê ku dema ew li Girtîgeha Metrisê bûye, 3 rojan ava vexwarinê nedane wî.

Bînalî Yildirimê serokwezîr da zanîn ku berpirsa êrîşê wek PKK dixweyî. Rewşa neh birîndaran baş e.

Bi bombeyan êrîş li Dadgeha Izmîrê hat kirin.

Hevşaredarê Mêrdînê Ahmet Turk bi riya parêzerên xwe nameyek şand û got: “Ji rewşa tenduristiyê zêdetir, ji rewşa hiqûqê wî aciz dike.”

Hevşaredarê Mehsertê Suleyman Tekin û Hevşaredarê Şaxê Celalettîn Bartu hatin girtin. Hejmara hevşaredarên girtî yên DBPî derkete 72an.

Hevserokên Rêxistina HDPê yên Stenbolê jî tê de 9 kesên ku 25 roj in binçavkirî bûn, hatin girtin. Derbarê 2 rêvebirên HDPê de jî cezayê hepiskirina di malê de hat dayîn.

Di şerê li El Babê de du leşkerên dî jî mirin. Hejmara leşkerên di operasyonên Tevgera Mertalê Firatê de mirîn bû 43.

Kesek an jî hin kesan kûçikê xwe li Karakoyê hişt û bi vapûrê çû aliyê dî yê avê(Kadikoy). Kûçikî jî xwest li vapûrê siwar bibe. Karkeran destûr neda kûçikê bêxwedî. Ji bo kûçikî seferên vapûrê sekinîn.

Parlementera Şirnexê Leyla Birlik ku rûniştina doza derbarê wê piştî girtina du mehan hat kirin de, biryara tehliyekirinê hat dayîn.

Parlementerê HDPê Ziya Pir ku rûniştina doza Nûrsel Aydogan dişopand dema ji dadgehê derdiket hat binçavkirin. Pir piştî îfadedayîna li dozgeriyê serbest hat berdan.

Mixalifên Sûriyeyê bi garantoriya Rûsya û Tirkiyeyê hevpeymaneka agirbestê îmze kiribû. Dihat plankirin ku li paytexta Qazakistanê hevdîtinên ji bo aştiyê bêne kirin û amadekariyên ji bo vê yekê dihatin kirin. Mixalifan dan zanîn ku wan amadekariyên xwe sekinandine.