Destûr nehat dayin ku afîşên “Hindik maye ku bager rabe, beşdarî nava me bibin” a Rêxistina Efûyê ya Navdewletî li rawestgehên metroyê yên li Washington DCyê werin daleqandin. Li ser afîşan wêneyê Trump, Putin û Kim Jong-un heye.

Lijneya Ewlehiyê ya Neteweyên Yekbûyî kom bû, Rûsyayê reşbeleka “li Sûriyeyê îlankirina agirbesteka ji bo 30 rojan” red kir.

Rêxistina Çavdêriya li Mafên Mirovan(HRW) îro eşkere kir ku di sê bombardimanên Hêzên Çekdar ên Tirkan(TSK) kirîn de “welê dixweyî ku ji bo parastina sivîlan tedbîrên pêwîst nehatine girtin.”

Walîtîya Enqereyê hemî çalakiyên rêxistinên LGBTyê qedexe kiribû, komeleyên KaosGL û Pembe Hayatê ji bo betalkirina biryarê doz vekirin. Dadgehan daxwaza komeleyên LGBTyê red kir.

Lijneya Ewlehiyê ya Netweyên Yekbûyî, ji bo li Sûriyeyê 30 rojan agirbest bê îlankirin reşbelekek amade kiriye. Endamên lijneyê ji bo qebûlkirina reşbelekê dê îro deng bidin.

Kûtay Merîç Endamê Lijneya Rêveberiya Navendî ya Halkevleriyê û Serdar Başçetîn Akademisyenê Aştîxwaz hatin girtin ku ji ber parvekirinên wan ên medyaya civakî heft roj in desteserkirî bûn.

Li navçeya Qilabanê ya bajarê Şirnexê leşkeran çar hêstir desteser kirine û gotine “piştî temamkirina pêvajoya desteserkirinê dê ji bo serdozgeriyê bêne şandin.”

Hêzên Asîmanan yên Sûriyeyê ji asîmanan êrîşî bakurê Gutayê kirine, bi êrîşê 77 kes mirine, 20 ji miriyan zarok bûne.

Wekîlê Rûhayê yê ji Partiya Gelan a Demokratîk(HDP), Osman Baydemîrî ji bo mafê jiyaneka aştiyane teklîfnameyeka guhertina qanûnan da serokatiya meclîsê.

17 kesên li Hatayê piştî daxuyaniya “Ji şer re Na” dan û hatin desteserkirin piştî jêpirsîna dadweriyê bi şertê kontrola edlî serbest bûn ku Mîthat Can Serokê İHDya Hatayê jî di nava wan de bû.

Ji bo şeş rojnamegerên ku Ahmet Altan, Mehmet Altan û Nazli Ilicak jî di nav wan de ne cezayê mûebeda giran hat dayin. Rojnameger ji ber hewildana derbekirinê ya di 15ê Tîrmeha 2016ê de hatibûn girtin.

Li balafirgeha leşkerî ya bi navê Fermandeya Balafirgeha 2. balafireka ji bo tecrûbeyê firiyayî ketiye. Du balafirajoyên di balafirê de mirine.

Li Izmîrê 15 kes ji ber parvekirinên wan ên li medyaya civakî hatibûn desteserkirin, kesek bi sûcê “propagandaya ji bo PKKyê” kesek jî bi sûcê “propagandaya ji bo DHK-Cyê” hat girtin.

Ji beriya pênc salan, li Amedê wesayiteka zirxkirî li ciwanekê 19 salî yê bi navê Şahin Onar dabû û kuştibû. Li ser bersûcên bûyerê îro doz hat dest pê kirin lê bersûc nehatiye dadgehê.

Rojnameger Ertûgrûl Mavîoglûyî piştî Qetlîama Pirsûsê Tweetek avêtibû û gotibû ku “A ji te re 400 parlamenterên te, 30 zarokên me bi şûn de bide me kujerê rezîl”. Ji ber vê Tweetê bi tohmeta ku “heqaret li Serokomarî kiriye” doz lê hatibû vekirin. Mavîoglû di vê dozê de beraet kir.

Komeleya Hiqûqnasên Hemdem(ÇHD) li ser rewşa girtîgehan raporek amade kir di raporê de hat diyarkirin ku di dema Rewşa Awarte de binpêkirina mafan zêde bûye.

Polisan di rojekê de li heft bajaran operasyon li hemberî “bikarhênerên medyaya civakî” li dar xist û di encamê de 117 kes hatin desteserkirin.

Ji ber ku piştî Referandûma 16yê Nîsanê li ser medyaya civakî gotina “NaEmDengêXweQutnakin” par ve kiribû derbarê Ferhat Tûncî de dozeke din hat vekirin.

Li Colemêrgê bi hinceta ku li ser medyaya civakî derbarê operasyona li ser Efrînê de hin tişt par ve kirine 6 kes hatin girtin. Îro li 6 bajaran bi tohmeta ku “bangewaziya çalakiyê kirine” polîsan bi ser hin malan de girtin.

Derbarê Komeleya Aştî û Piştgiriyê ya 10ê Çiriya Pêşiyê de ji ber ku di “rêziknameya wê de kêmasî hene” doz hatibû vekirin û biryar hat girtin ku komele bê girtin. Komele piştî Qetlîama 10ê Çiriya Pêşiyê hatibû avakirin.