Li DYAyê bahozekî mezin rabû ye. Ev bahoz bandoreke mezin li eyaleta Bahamayan pêk aniye. Li bendê ne ku bandora bahozê li eyaleta Georgia û Başûrê Carolinayê jî bike.

Li Stenbolê xizmeta taksiyan ji îro û pê de wê bihatir be. Li gorî vê biryarê mesafeya herî kurt ji 10 lîreyan derketiye 13 lîreyan. Her weha bihayê xizmeta parka wesayitan û kirêkirina pisqilêtan jî zêde bûye.

Li Selîma navçeya Qersê hespên ku zivistanê li ser berfê di werzîşa cirîdê da tên emilandin ji bona qêleqij û kelekela havînê tesîrê li wan neke di çeman da tên hênîkkirin

Ekrem Îmamoglû, Şaredarê Bajarê Mezin ê Stenbolê aşkere kiriye ku ji 30ê Tebaxê û pê de li Stenbolê wê li hin cihan bas û metro 24 saetan kar bikin. Li metroya Stenbolê her weha 4 makinîstên jin dest bi wezîfeyê kiriye.

Zanîngeha Teknîkî ya Stenbolê û Wezareta Derdor û Bajarvanîyê civîyane û diyar kirine ku 2021ê depozîtoya firaxên plastîk dê mecborî be.

Fadil El Azawiyê ku ji şerê navxweyî yê welatê xwe revî û xwe spartiye Mêrdînê. Ew bi nivîşk, xurme û 12 cureyên biharat "kulîçeya Suryaniyan" çêdike û pê debara xwe dike

Li Konyayê li wî cihê ku konên sûriyeyiyan lê ye ax heziyaye. 2 zarok mirine, 2 zarok jî birîndar bûne.

Şaredarîya Bajarê Mezin a Wanê piştgirîya lêklînên arkeolojîk yên li bakurê Qeleya Wanê dikir. Piştî qeyûmî dest bi karê xwe kirî alîkarî daye sekinandin.

Walîyê Mêrdînê û qeyûmê berê yê şaredarîya heman bajarî Mustafa Yamanî eşkere kiriye ku wan hin dîyarîyên sembolîk daye heyetên digel rayedarên dewletê.

Îsal li gor salên berê hişkayî zêde ye û hewa jî zehf germ e, cotkar vê gavê giya û ce û geniman didirûn.

Dîlber Karahana ku li Taşliçaya navçeya Agiriyê dijî û 105 salî ye diyar kir, ji ber ku ew xwarin û vexwarina siruştî dixwe, her roj di heman wextî da radizê û radibe û kar û şixul dike, loma Xwedê emrekî dirêj kiriye nesîbê wê

Piştî şewitandina daristanan wezîrê daristan û çandinîyê, Bekir Pakdemîrî gotibû balafirên THKyê(Saziya Hêzên Esmanî) kar nakin. THKyê balafirên xwe ceribandine û diyar dibe ku kar dikin.