Ji 35 kesan 33 kesên di kelekê de hatine rizgarkirin. Pitikek winda bûye û tîmên rizgarkirinê li pitikê digerin.

Li navçeya Sirûcê (Pirsûs) du bombeyên hewan teqîyane di teqînan de du sivîl mirine du sivîl jî birîndar bûne.

Ji bo Artêşa Tirkiyeyê li Rojavayê dest bi operasyonekê bike li Meclîsa Tirkiyeyê ji bo tezkereyê civînek hatiye pêkanîn. Meclîsê tezkere qebûl kiriye.

Koordînasyona Heskîfê ji bo Bendava Ilisûyê bêsekinandin dest bi kampanyaya îmzeyan kiriye û banga piştevaniyê kiriye.

Koçerên ku li zozanên Wanê havînê heywanên xwe çêrandin piştî ku serma ket kon û çadirên xwe kom kirin û tevî keriyên xwe dest bi vegera ji zozanan kirin.

Li gorî rapora Meclîsa İSİGê di meha Îlonê de 11 karkerên jin, 9 karkerên penaber û 6 jî karkerên zarok mirine.

Rojnameger û wênesaz Zehra Doganê wêneyên Ceylan Onkolê li ser dîwarên Londonê xêz kiriye. Sala 2009ê teqemeniyek bi Ceylan Onkolê de teqiyabû û Onkola 14 salî miribû.

Prof. Dr. Îzedîn Mistefa Resûl sala 1943an li bajarê Silêmaniyê jidayik bûbû, bavê wî Mela Mistefa kesayetekî sofî, şaîr û ronakbîrekî diyar ê serdema xwe bû, Dr. Îzedîn Mistefa Resûl li cem bavê xwe li mozgeftê dest bi xwendinê kir.

Li Behra Spî, 40 kîlometre dûrî Girava Rodosê bi pileya 5.1ê erd hejiyaye. Bandora xwe li Fethiye, Dalaman û Gocekê jî kiriye.

Wezîrê Tenduristiyê Kocayî gotiye, xebateke nû li ser qedexekirina cigariyan amade dikin û ew ê qada sergirtî ji nû ve diyar bikin.

Lîstikvanê tirk, Tarik Unluoglu piştî ketî nexweşîya penceşêrê li nexweşxaneyê dihat dermankirin. Îro piştî nîvroyê lîstikvanê navdar miriye.

Li Mêrdînê dema mehsereya tiriyê mezrone dest pê kiriye. Li navçeya Mehsertê gundî çûne ser rez û karûbarên mehsereyê dikin.

Piştî pêncî salî perçeyeke mezin a bûzê, ji Antartîkayê qut bûye. Giraniya bûzê bi qasî 315 milyar tonî ye.

Saziya Rêkûpêkkirina Pîyaseya Enerjîyê (EPDK) biryar daye ku ji îro (01.10.2019) pê ve heqê ceyranê dê ji sedî 14,9 bê zêdekirin.

Li Hindistanê ji ber barîna barana boş xanî xera bûne, mal û kolan di bin lehîyê de mane. Ya kêm 134 kes mirine. Maran bi hin welatîyan ve daye û ew kuştine.

Alîkarê Serokomarî, Oktayî gotiye, “Ziyaneke cidî nîne lê em ê vê were fersendekê binirxînin û amadekariyên xwe yên ji bo dahatûyê pêk bînin.”

AKOMê aşkere kiriye ku di encama erdhejê de mînareya mizgeftekê û 3 avahî hilweşiyane. Dîwarên avahiyekê jî deriziye.

Li Stenbolê saet di 14.00ê de erd hejiya ye. Bandor erdhejê li tevahiya Stenbolê bûye ku mezinahiya wê 5.8ê bûye.

Yek ji klasîkên navdar ên edebiyata dinyayê "Serpêhatiyên Aliceê li welatekî ecêb" a Lewis Carrollî, bi wergera Ciwanmerd Kulekî êdî bi zimanê kurdî ye.

Xelkê Manîsayê Furkan Erdem di xwendekariya xwe da dest pê kiriye û bi otostopê ji malê çû zanîngehê û dû ra di jiyana xwe da ev yek kir edet û bi vê rêbazê li Asyaya Başûrê Rojhilat û Ewropayê li 27 welatan geriyaye.