Li Goksûna Mereşê welatî qada fûtbolê weke konê alikariyê bikartîne. Me li wirê bi jinekê re qise kir û wê jinê weha got: “Nexweşiya dil bi min re heye. Roja ku erdhej çêbû min ê wê rojê serlêdana neqlê bikira. Em du malbat di wesayîtekê de dimînin. Tenê kon bidin me, komirê bidin me, ez tiştekî din naxwazim.”

Li Edene, Hatay û Osmaniyeyê derbarê avahiyên hilweşiyayî de lêpirsîn hatiye destpêkirin; Di çarçoveya lêpirsînê de heyetên pispor ên teknîkî hatine wezîfedarkirin.

Di erdhejan de beşeka zêde ya bajarokê Yaylaqonaxê ku nifûsa wê hezar û 700 kes in rûxiya ye. 102 kes mirine.

AFADê vê sibehê aşkere kiriye ku di erdhejan de heta niha 18 hezar û 342 kes mirine û 74 hezar û 242 kes jî birîndar bûne.

Rêvebiriya Giştî ya Emniyetê(EGM) ragihandiye ku ji ber parvekirinên têkildarî erdhejê yên li ser platformên medyaya civakî 31 kes hatine desteserkirin. Ji wan 9 kes hatine girtin.

Ji ber erdhejên ku navenda wan Mereş bûye li Sûriyeyê 5 hezar û 35 kes birîndar bûne. Ji ber erdhejan li Tirkiye û Sûriyeyê ji zêdetirî 15 hezar kes mirine.

Li gorî daxûyaniya AFADê heta saet 7.45ê 9ê Sibatê hejmara kesên ku ji ber erdhejê birîndar bûne derketiye 62 hezar û 937an.

Tifaqa Ked û Azadiyê diyar kiriye û gotiye, “Desthilat li cihê ku midaxele û alîkariyan organîze bike, bi ragihandina OHALê ne gelê me yê ku bi karesatê re rûbirû bûye hewl dide xwe biparêze.”

Fûat Oktay, Cîgirê Serokomar diyar kiriye ku piştî erdhejên ku bandor li 10 bajarên Tirkiyeyê kirine, nêzî 8 hezar kes ji bin kavilan hatine rizgarkirin.

Li herdu navçeyên Mereşê, li Pazarcix û Elbistanê bi pileya 7.7ê û 7.6ê du erdhej çêbûbûn. Ji ber van erdhejan li Sûriyeyê hejmara birîndaran derketiye 4 hezar û 645an.

Serokatiya Rêveberiya Karesatan û Rewşa Lezgîn lîsteya pêdiviyên girîng weşandiye ku ji bo li erdhejzedeyan belav bike.

Ekîbên agirkujiyê yên ku ji bajarên cûda çûne Iskenderûnê ji bejahiyê ve û helîkopterên Rêvebiriya Herêma Daristanan a Hatayê jî ji hewayê ve hewl didin agirê ku bi benderê ketiye vemirînin.

Amed yek ji wan bajaran e ku bandora erdheja Mereşê lê kiriye. Ji ber tirsa erdhejeke din çêbibe, welatî bi şev li kolanan man.

Wezîrê Hawirdorê Kûrûm diyar kiriye ku erdhejê bandor 13,5 milyon welatiyan kiriye û wiha gotiye: “Li Dîlokê 581 avahî hilweşiyane, hezar û 468 kes mirine. Erdhejê rasterast bandor li 10 bajarên me yên li herêmê kiriye.

Ji ber erdhejên li Mereşê pêk hatine, li Sûriyeyê û Rojavayê nêzîkî 3 hezar û 500 mirov birîndar bûne. Erdhejê bandor herî zêde li navçeya Cindiresê ya Efrînê kiriye.

Oktayî gotiye ji bilî wesayitên ji bo karesatê kelûpelan û tîmên alîkariyê dibin, ji saet 11.00ê û pê ve heta 48 saetan çûn û hatina wesayitan a li Hatay, Mereş û Semsûrê qedexe ye.

Yek ji bajarên ku erdhejê bandor lê kir Amed e. Welatî li vî bajarî dixwazin ji navendê biçin gundan.

AFADê aşkere kiriye: Li 10 bajaran hezar û 498 kes mirine, 8 hezar û 5333 kes birîndra bûne, 2 hezar û 834 avahî rûxiyane.

Serokomar Erdoganî gotiye: “Kavilên avahiyên rûxiyane tên paqijkirin, ji ber wê em nizanin hejmara miriyan û birîndaran wê bibe çiqas.”

Erdhejê bandor li Sûriyeyê û Rojavayê jî kiriye û di encamê de heta niha bi kêmanî 427 kes mirine. Bi sedan kes jî birîndar bûne.