Piştî erdhejên 6ê Sibatê yên ku navenda wan Mereş bûye beytarên ji Tokatê bo alîkariyê hatine navçeya Golbaşiya Semsûrê, 6 bizin ji bin xerabeyan derxistine.

Odeya Muhendîsên Hawirdorê li herêma erdejê lêkolîn kiriye û diyar kiriye ku avên destavan diherikin, dibe ev bibin sedema nexweşiyên mîna korelayê.

AFADê aşkere kiriye ku di erdhejên ku navenda wan Mereş bûye de heta niha 36 hezar û 187 kes mirine.

Wezareta Malbat û Xizmetên Civakî diyar kiriye ku 609 zarok piştî kontrola nasnameyan radestî malbatên wan hatine kirin.

Berdevka Meclîsa Jinan a HDPyê Ayşe Acar-Başarana ku li Elbîstana Mereşê ye, got: “Me hevdîtin bi sûriyeyiyan re jî kir, ew jî metirsîdar in.”

Gulan Onkolê diyar kiriye ku ew him ji bo bexşên konan û him jî ji bo bexşên pêlîstokan amade ne. Her weha Onkolê destnîşan kiriye ew ji bo hemû cûre piştgiriyan amade ne.

Mûrat Kûrûm, Wezîrê Hawirdor, Bajarvanî û Guhertina Iklîmê aşkere kiriye ku li 10 bajarên erdhejan lê bandor kiriye, 387 hezar û 346 apartman hatine lêkolînkirin û ji wan 50 hezar û 576 apartman bi xisar in û divê bilez bên hilweşandin. Her weha 279 hezar û 655 avahî jî hatine tespîtkirin ku hinek ji wan kêm xisar in ango bê xisar in.

Mebesta qedexekirinê parastina ajalên kovî yên ku bandora erdhejê lêbûne ye.

AFADê aşkere kiriye ku di erdhejên ku navenda wan Mereş bûye de heta niha 31 hezar û 974 kes mirine. Herwiha 195 hezar û 962 mexdûrên erdhejê jî bo bajarên din hatine şandin.

Mûrat Kûrûm, Wezîrê Hawirdor, Bajarvanî û Guhertina Iklîmê aşkere kiriye ku li 10 bajarên erdhejan lê bandor kiriye, 307 hezar û 763 apartman hatine lêkolînkirin û ji wan 41 hezar û 791 apartman bi xisar in û divê bilez bên hilweşandin. Ev jî dike 190 hezar xanî û kargeh.

Perestara xwebexş got: "Mêrik ji erdhejê filitiye. Sax derketiye. Lê di nava wesayitê de ji serma qefiliye û miriye. Ji ber hîpotermiyê. Ji bin kavilan sax derdikevin lê di konan de ji ber sermayê dimirin."

Li Mereşê 198 saetan piştî erdhejê 2 bira hatin rizgarkirin. Herdu birayên ku bi birîndarî li bin xerabeyan hatine derxistin, bi ambûlansê birine nexweşxaneyê.

AFADê aşkere kiriye ku di erdhejên ku navenda wan Mereş bûye de heta niha 31 hezar û 643 kes mirine.

Biryarnameya Serokomariyê ya derbarê tedbîrên di warê tenduristiyê de yên di çarçoveya Rewşa Awarte de di Rojnameya Fermî de hatiye weşandin û ketiye meriyetê.

Parlamenterê HDPyê Mûrat Sarisaçî ji ber encamên erdhejên li Mereşê pêk hatine hikûmeta AKPyê tohmetbar kir û got: “Me li Wanê jî eynê erdhej dît dîsa dewlet tunebû, me li Meletiyê jî heman erdhej dît, dîsa dewlet tunebû.”

Li gel alîkariyên şaredariyan, rêxistinên civaka sivîl û welatiyan, li navçeya Goksun û Elbîstanê ya Mereşê, dewlet li holê nîne.

Welatiyên ku di navenda rehabîlîtasyonê de pêdiviyên xwe yên xaniyan bi cih anîn gotin, "Ne dewlet gelê me li me xwedî derket."

Li Goksûna Mereşê welatî qada fûtbolê weke konê alikariyê bikartîne. Me li wirê bi jinekê re qise kir û wê jinê weha got: “Nexweşiya dil bi min re heye. Roja ku erdhej çêbû min ê wê rojê serlêdana neqlê bikira. Em du malbat di wesayîtekê de dimînin. Tenê kon bidin me, komirê bidin me, ez tiştekî din naxwazim.”

Li Edene, Hatay û Osmaniyeyê derbarê avahiyên hilweşiyayî de lêpirsîn hatiye destpêkirin; Di çarçoveya lêpirsînê de heyetên pispor ên teknîkî hatine wezîfedarkirin.

Di erdhejan de beşeka zêde ya bajarokê Yaylaqonaxê ku nifûsa wê hezar û 700 kes in rûxiya ye. 102 kes mirine.