Serokwezîr, Yildirimî berbijarê Partiya Komarî yê ku wek serokê Amerîkayê hat hilbijartin, Donalt Trump pîroz kir. Yildirimî ji Trumpî xwest ku ew Gulenî rêbike Tirkiyeyê.

Serokê Dewletên Yekbûyî yên amerîkayê(DYA) di 14ê Hezîrana 1946ê de li Queensa New Yorkê hatiye dinê.

Di hilbijartinên ji bo serokatiya Amerîkayê de, li gor encamên nefermî Trumpî 274 delege bi dest xistine û bûye serokê Dewletên Yekbûyî yên Amerîkayê(DYA).

Dadgeha Bilind a Brîtanyayê biryar da, bêyî ku parlamento destûrê bide çênabe hikûmet dest bi hevdîtinên ji bo cidabûna ji Yekîtîya Ewropayê bike.

Tirkiye hêzên leşkerî ji bo sînorê digel Iraqê kom dike, li ser vê yekê serokwezîrê Iraqê, Îbadîyî gotiye: ‘’Me navê em bi Tirkiyeyê re şerî bikin, lê heke em bikevin bedena hevdu, em amade ne. Di şerê du dewletên cîran de, ti alî bi ser nakevin.’’

Wezîrê Parastin ê Rûsyayê Sergey Şoygu ragihand ku Hêzên Hewayî yê Rûsyayê îro operasyonên xwe yên li Heleba Sûriyeyê radiwestîne.

Serokê Rûsyayê di Kongreya 23. a Enerjiyê li Stenbolê axivî. Pûtînî got: ‘’ Em digel Erdoganî û hevkarên xwe yên dî hewil didin Herikîna [Enerjiyê ya] Tirkan pêk bînin.’’

Cihgirê wezîrê parastinê, yê Rûsyayê, Nikolay Pankovî da zanîn ku Rûsya dê li bajarê Tarsûsê yê Sûriyeyê navendeka daîmî ji bo hêzên seravî [yên Rûsyayê] ava bike.

Cihgirê serokwezîrî, Nûman Kurtûlmûşî li ser biryara Meclîsa Iraqê got: ‘’ Di vê rewşê de ku Iraq hatiye parçekirin dijayetiya heyina Artêşa Tirkan ya li Başîkayê çênabe’’

Berdevkê Koalîsyona li Iraqê, Dorrianî da zanîn ku ‘’Artêşa Tirkiyeyê ya hatî Iraqê bêyî destûra Hikûmeta Iraqê hatiye û ev yek îllegal e.’’

Meclîsa Iraqê da zanîn ku ‘’Leşkerên Tirkiyeyê ‘hêzên dagirker’ hesab in, ji bo ew ji axa Iraqê derbikeve çi lazim be dê bê kirin.’’

Li eyaleta North Carolinayê ya Amerîkayê piştî protestoyên ji bo şermezarkirina êrişên li dijî welatiyên zengî, ji ber ku 4 polês bi şûşeyên pet birîndar bûne rewşa awarte hat îlankirin. Polêsan gule reşandin ser xewpêşandanek û wî birîndar kirin lê polêsan vê yekê qebûl nekirin.

Medyaya Yûnanîstanê ragihand ku ji 8 leşkerên di derbeya leşkerî ya 15ê Tîrmehê de çûbûn Yûnanîstanê, daxwaza penaberiyê ya 3 leşkeran nehatiye qebûlkirin.

Hat ragihandin ku hejmara qurbaniyên erdheja ku duhê li navîna Îtalyayê çêbû derket 247an.

Di daxuyanîya Wezareta Karên Derve ya Rûsyayê de wiha hat gotin: “Rewşa herêma ku lê şer heye îhtîmala bêîstîkrarbûnê zêdetir dike. Em ji vê yekê aciz in. Dibe ku navbera kurd û ereban de şer û pevçûnan derxînin.”

Almanyayê ji bo sivîlên ku li Helebê asê mane bangewaziyê kir ku bila destûr ji NYê re were dayîn ku alîkarî ji wan sivîlan re bibe.

Lîderê El Nusrayê Ebu Mihemmed Colanî bi vîdeoyeke rûvekirî de daxuyand ku ji bo ‘şoreşa Sûriyê’ ew ji El Qaîdeyê qetiyane û ji vir şûn de ti eleqeyeke di navbera wan de nîn e.

Berdevkê Pentagonê Peter Cook got ku hewldana derbekirinê ku li Tirkiyeyê pêk hatiye bo wan jî surprîz bûye.Berdevkê Wezareta Karên Derve Mark Toner jî derbarê Fetullah Gulen de got: ‘Qasê ku em dizanin ew li Pennsylvaniayê li mala xwe û di halê xwe de dijî.’

Li Iraqê li dijî kumbeta Seyîd Mihammed Ibn Eli Hadî xwekujan sê êrişên bombeyî pêk anîn. DAIŞê êrişan girt ser xwe.

Hevserokê PYDê Salih Muslim got ku di destê Rûsya û Amerîkayê de wisa belge û delîl hene ku dikarin Erdogan li UCMyê bidin dadkirin.