Tanrikulu: Tirkiyeyê ji bo kêşeya kurdan xwe deh caran di heman avê de şûştiye

Ji bo nûçeya Tirkî bitikîne

Sezgîn Tanrikuluyê parlamenterê Partiya Komarî ya Gelî(CHP) li ser desteserkirina hevserokên Şaredariya Bajarê Mezin a Amedê, Gultan Kişanak û Firat Anliyî nerazîbûna xwe dîyar kir û da zanîn nayê qebûlkirin ew kesên hatîn hilbijartin bêne girtin, şeklê desteserkirina wan ne hiqûqî ye.

Tanrikûlûyî li berpirsiyarîya Amedê ya CHPyê daxuyanîyek da. Tanrikûlûyî dîyar kir Kişanak û Anli bi salan e sîyaseteka ji tûndkarîyê dûr dikin û di sîyaseta demokratîk de ne.

‘’Gultan Kişanakê parlamenterî kiriye, Firat Anliyî bi salan li Amedê parêzerî kir, di sîyaseta demokratîk de bû...

‘’Lê welê dixweyî ku hikûmet naxwaze meseleya kurdan bi wan kesên sîyaseta demokratîk dikin re, bi esasên sîyaseta demokratîk çareser bike.

‘’Ma dê dîsa bibêjin em hatin xapandin?’’

‘’Niho hewildaneka Fethûllah Gûlenî ya derbekirinê heye. Ew hewildan welê hat kirin ku li ber avê çû. Ew kes niho ne li holê ne. Lê belê lêceribandinên ji wê [derbeyê] girantir li Amedê heye.

‘’Sibe dusibe hikûmet dê ji bo van tiştan çi bibêje.

‘’Mirov di heman avê de du caran xwe naşûn lê..’’

‘’Mirov di heman avê de du caran xwe naşûn lê belkî Tirkiyeyê ji bo kêşeya kurdan deh caran xwe şûştiye.’’(EKN/MB)