Rapora pêşketinan a YEyê: Tirkiye bi paş de diçe

Ji bo nûçeya Tirkî  / Ingilîzî bitikîne

Lijneya Yekîtîya Ewropayê, Rapora Pêşketinê ya Tirkiyeyê ya 2016ê eşkere kir.

Hûn dikarin hemîya raporê bi vê duvelankê bi Ingilîzî bixwînin.

Birêvebirê berpirsê têkiliyên cîranan û mûzakereyên ji bo pêşketinan, Johannes Hahnî rapor eşkere kiriye.

Hahnî bal kişand ser wê yekê ku zordarî li ser rojnamegeran tê kirin.

Hewildana derbe-kirinê ya di 15ê Tîrmehê de

Beşa krîterên sîyasî ji Hewildana Derbe-kirinê ya 15ê Tîrmehê dest pê dike. Hatiye eşkerekirin di rûdanan de, 241 kes mirine û 2 hezar û 196 kes birîndar bûne. Tê gotin Hikûmeta Tirkiyeyê digel hemî civakê û hemî aliyên sîyasî rê li hewildanê girtiye.

Di raporê de tê eşkerekirin hikûmet ji bo hewildana derbe-kirinê ‘’Tevgera Gûlenî’’ berpirsiyar dibîne. Her çende di raporê de hatibe dîyarkirin ku ‘’Tevgera Gûlenî’’ rêxistineka terorî ye jî, têgeha FETO(Rêxistina Terorî ya Fethûllahgir) qet nehatiye nivîsîn.

Azadiya xwe-îfadekirinê bi paş de çûye

Di beşa azadiya xwe-îfadekirinê de tê gotin ku ‘’Tirkiye li gor par bi awayekê ber-bi-çav bi paş de çûye.’’

Hin sernivîsên raporê

*Di 20ê Tîrmehê de Rewşa Awarte hat îlankirin û paşê sê mehan hat dirêjkirin.

*Bi Biryarnameyên di Hikmê Qanûnan de, karmendên dewletê ji karî hatin derêxistin. Şirketên medyayê jî tê de şirket hatin girtin.

*Cihê fikarê ye ku parlamenterên HDPyê hatin girtin.

*Guhertina zêde ya Dadgehên Bilind jî cihê fikarê ye.

*Azadiya kombûnê, gelek hat astengkirin.

*Erdoganê serokkomar bi awayekê ber-bi-çav xwe têkilî gelek polîtîkayên navxweyî dike.

Tiştên erênî

*Tirkiyeyê alîkarîya mirovî daye nêzîkî 3 milyon penaberên ji Iraq, Sûriye û welatên dî hatîn.(HK/MB)