Cejna Paskalyayê hat pîrozkirin

Ji bo nûçeya Tirkî / İngilîzî bitikîne

Cîhana Xiristiyanan duh Cejna Paskalyayê pîroz kir ku li gorî baweriya wan Pêxember Îsa di vê rojê de ji dayik bûye.

Yekşema pêşiyê ya piştî ku di 21ê Adarê de heyva çardeşevî tê dîtin weke roja Paskalyayê tê qebûlkirin. Ji ber vê sedemê digel dîroka Cejna Paskalyayê diguhere jî, bi giştî yekşema duyem a meha Nîsanê ev cejn tê pîrozkirin.

Li Tirkiyeyê jî li Stenbol, Edîrne, Amed, Mêrdîn û Hatayê Cejna Paskalyayê hat pîrozkirin.

Stenbol

Ayîna Paskalyalê li Patrîkxaneya Rûman a li Fenerê di bin rêveberiya Bartholomeos, Patrîkê Rûman çêbû. Merasîm 3 saetan dewam kir û dia hatin kirin. Herweha qesîde hatin xwendin.

Amed

Suryaniyên li Amedê ji bo Cejna Paskalyayê li Dêra Dayika Meryem hatin ba hev û find pêxistin û dia kirin.

Keşe Yûsûf Akbûlûtî ayîn bi rê ve bir û koroya keçan qesîde xwendin. Di merasîmê de hin beşên Incilê hatin xwedin û hêk û kulîçe li beşdaran belav kirin.

Fotograf: Şukru Gunduz – Amed / AA

Edîrne

Li Dêra Bulgar a Sevti Georgi yê gelek Ordotoks beşdarî merasîmê bûn. Keşe Aleksandir Çikirikî ayîn bi rê ve bir.

Fotograf: DHA

Hatay

Li Dêra Ortodoksan a Antakyayê Cejna Paskalyayê hat pîrozkirin. Welatiyên ku beşdarî ayînê bûn find pêxistin û dia kirin. Di ayînê de her weha hin beşên Incîlê hat xwendin û qesîde hatin xwendin.

Fotograf: Salîm Taş – Hatay / AA

Her weha li navçeya Altinozu ya Hatayê jî li Dêra Ortodoksên Rûm a Dayika Maria ayînek bi rê ve çû.

Fotograf: Recep Dagdelen – Hatay / AA

Li navçeya Îskenderûn a Hatayê jî pîrozbahî li Dêra Ortodoksan çêbû.

Mêrdîn

Suryaniyên li Mêrdînê ji bo cejna Paskalyayê li Dêra Mor Behnamê (Dêra Çilan) hatin ba hev. (HK/FD)