Di çarçoveya lêpirsîna ku Şaredarê Esenyurtê Ahmet Ozer jî hatiye desteserkirin danê sibehê di serdegirtina malê de Solîsta Koma Hevrayê Zeynep Dogan hat desteserkirin.
Li gorî daxuyaniya Komeleya Lêkolînên Medya û Hiqûqê (MLSA) naveroka lêpirsîna ku Dogan pê hatiye desteserkirin hêj nayê zanîn.
Ji Koma Hevrayê Gencay Morkoç jî di 25ê Cotmehê de di serdegirtina malan de hatibû desteserkirin û duh (29ê Cotmehê) hatibû girtin. Sedema girtina Morkoç jî ew bû ku ji ber beşdarî seyrana ku ji aliyê Partiya Wekhevî û Demokrasiyê ya Gelan(DEM Partî) ve li Stenbolê hatiye lidarxistin bûye.
Dadgehê îdia kir ku seyran di çarçoveya "çalakiya rêxistinî" de hatiye organîzekirin. (TY/AY)