Artêşa Îsraîlê êrîşên xwe yên ji bo valakirina bakurê Xezeyê zêde kiriye. Duh (9ê Cotmehê) li herêma Cibaliya rojnamegerên ku nûçe dişopandin kirin armanc.
Li gorî nûçeya televizyona El-Eqsayê ku televîzyona Hemasê ye, balefirên şer ên Îsraîlê li xaçerêya Ebû Şerh a Cîbaliyê bi muşekê êrîşî tîma televizyonê ya ku nûçe dişopand, kir.
Di encama êrîşa hewayî ya li ser Cibaliya ku li bakurê Xezeyê ye de kameramanê televîzyona El-Aqsayê Mihemmed Et-Tananî mir û nûçegihan Tamir Lebed jî birîndar bû. Her wiha hate diyarkirin ku leşkerên Îsraîlê nehiştin ambulans biçin herêmê.
'Berdêla rastiyê': Rojnamegerên Filistînî yên ku Îsraîlê li Xezayê kuştine
Kameramanê Al Cezîreyê birîndar bû
Kameramanê El Cezîreyê Fadî el-Wahîdî yê ku li Kampa Penaberan a Cibaliya nûçe dişopand, di encama gulebarana artêşa Îsraîlê de birîndar bû.
Rojnamegerê Filistînî Husam Şebat ragihand ku El Wehîdî bi guleyên sekvanan hat birîndarkirin.
Vîdeo: Piştî ku Fadî El-Wahidî birîndar bû, hevkarên wî ji ber ku leşkerên Îsraîlî bi berdewamî gule direşandin, nekarîn demekê nêzî wî bibin.
The moment the Palestinian journalist Fadi Alwhidi was shot by an Israeli sniper in the north of Gaza. pic.twitter.com/sH3537byPC
— Eye on Palestine (@EyeonPalestine) October 9, 2024
Nûçegihanê El Cezîreyê Enes El-Şerîf di daxuyaniyekê de li ser medyaya civakî ragihand: “Gule li tîma El Cezîreyê hat reşandin û kameraman Fadî El-Wahidî ji stûyê xwe de birîndar bû.”
Hat ragihandin ku rewşa El-Wahidiyê ku rakirin nexweşxaneyê giran e.
176 rojnameger hatin kuştin
Li gorî daxuyaniya Ofîsa Ragihandinê ya Hikûmetê ya li Xezeyê ji 7ê Cotmeha 2023an ve li Xezeyê tevî rojnameger Mihemmed et-Tananî 176 rojnamevanên Filistînî ji aliyê Îsraîlê ve hatin kuştin.
Komîteya Parastina Rojnamegeran (CPJ) di daxuyaniya xwe ya 4ê Cotmeha 2024an de diyar kir ku li Xezeyê 123 û li Lubnanê jî 3 rojnameger di êrîşên Îsraîlê de hatine kuştin. Her weha saziyê bi belgeyan piştrast kir ku 2 rojnameger li Îsraîlê di êrîşên komên Filistînî de hatin kuştin.
CPJ ragihand ku 2 rojnamevanên Filistînî winda ne û 69 rojnamevan jî hatine girtin. 350 bûyerên kuştin, birîndarî û girtinê tên lêkolîn kirin.
Bi hejmaran encama şerê ku saleke li Xezeyê didome
(VC/AY)