Derbarê Semra Guzel, parlamentera HDPê de îdianame hatiye amadekirin
Ji bo nûçeya tirkî bitikîne
Derbarê Semra Guzel, parlamentera Partiya Demokratîk a Gelan(HDP)ê de îddianame hatiye amadekirin.
Li gorî nûçeya Ajansa Mezopoatmayê di îddianameyê de bi tohmeta ku “di belgeyên fermî de sextekarî kiriye” ji 3 salan heta 7 sal û 6 mehan cezayê girtîgehê hatiye xwestin.
Her weha di îdianameya Serdozgeriya Komarî ya Stenbolê amade kiriye de hatiye bibîrxistin ku derbarê Guzelê de di çarçoveya dosyayên 3emîn Dadgeha Cezê û Aştiyê a Enqereyê de biryara girtinê heye. Îdianame ji 23emîn Dadgeha Cezayê Giran a Stenbolê re şandine.
23emîn Dadgeha Cezayê Giran a Stenbolê îdianame qebûl kiriye û diyar kiriye ku ji dosyaya peyketinê Dadgeha Cezayê Giran a Enqereyê xwedî raye ye û biryara bêrayetiyê daye. Dadgehê xwestiye ku dosya ji Dadgeha Cezayê Giran a Enqereyê re bê şandin.
Piştî pejirandina îddianameyê wê darizandina Guzelê di rojên pêş de dest pê bike.
Çi bûbû?
Volkan Bora, endamê PKKê di sala 2017an de ji aliyê Hêzên Çekdarî yên Tirkan ve di encama operasyonekî hewayî de hatibû kuştin. Di encama lêkolîna telefona Volkan Borayî de wêneyên Semra Guzelê û Bora yên bi hev re kişandibûn derketibûn. Ev wêne bi raya giştî re hatibû parvekirin.
Dema ew wêne li ser çapemenîya nêzî hikûmetê belav bûbû, Serokê Giştîyê AKPyê û Serokkomar Erdoganî daxûyanîyek dabû. Erdoganî gotibû “Me ev mijar yekser ji Komîsyona Têkel re şand. Çi hewce bike wê bê kirin. Em naxwazin kesên wiha di Meclîsa xwe de bibînin”.
Guzelê jî gotibû ku, Bora “dergistîyê” wê bû ye û ew wêne jî “di Dema Çaresarîyê de hatine kişandin”. Dema ew wêne hatine kişandin ti têkilîyê wê bi partîyên sîyasî re tunebû û ji bo ew wêneyên li ser Bora hatine dîtin, di derheqî wê de ti lêkolin nehatine vekirin. Guzelê berdewam kiribû û gotibû, ew wêneyên ku 5 sal berê hatine ditîn, îro wek “kemînek” ji bo wê tên bikaranîn.
Piştî ev wêne hatin weşandin derbarê Guzelê de ji bo ku parêzbendîya wê bê rakirin, fezleke hatibû amadekirin. Fezleke ji Komîsyona Têkel a Parlamentoyê re hatibû şandin.
Komîsyon di 20ê Kanûna Paşiyê de civîyabû. Lê berî ku Komîsyon bicive Meral Akşenera Seroka Giştîya Îyî Partîyê û Ozgur Ozelê Cihgirê Koma CHPê daxûyanî dabûn û gotibûn ew ê ji bo fezlekeyê denge “Erê” bikarbînin.
Li gor Ajansa Anadoluyê, par li meclisê bi giştî hezar û 336 fezlekeyên parêzbendiyê hebûn. Ev hejmar îsal jî bê navber zêdetir dibe lê ji bo hejmara guncaw heya aniha tu daxuyani ji aliyê Serokatiya Parlamentoyê ve nehatiye dayin. Fezleke herî zede derheqê parlamenterên HDPyê û CHPyê de ne. Derheqê parlamenterên AKP û MHPyê de hema bêje qet fezleke nîn in.
(AY)