Naverokên bi miftegotina Merdan Yanardag

Yanardag, diyar kir ku bi cezayan hewl didin çapemeniya serbixwe bitepisîne û sûcên ku ne sûc bin biafirînin. Her weha Yanardag bal kişand ser girîngiya hevgirtina ji sedî 48ê ku gotin 'Ji Siltantiyê re na' û banga hevgirtinê kir.

Dadgeha Rêvebiriyê ya 4an a Enqereyê biryara girtina kanala televîzyonê ya bi navê TELE1ê, betal kiriye. RTUKê biryar dabû ku ji bo 7 rojan kanal bê girtin.

Dadgehê biryara berdewamkirina girtina Midûrê Karên Nivîsê yê Tele1ê Merdan Yanardag daye û danişîn taloqî 4ê Çiriya Pêşiya 2023an kiriye.

Ji bo Berpirsê Giştî yê Wêşanê yê kanala televizyonê yê Tele1ê Merdan Yanardag tehliye bibe, parêzeran serî li dadgehê daye. Yanardag ji ber gotinên wî yên derbarê Rêberê PKKyê Abdûllah Ocalanî de hatibû girtin.

Dadgehê îdianameya derbarê Merdan Yanardagî de qebûl nekiriye. Di îdianameyê de hatiye xwestin ku bi tohmeta ku Yanardagî "propagandaya rêxistina terorê kiriye" û "pesnê sûc û sûcdar daye" were cezakirin.

Saziya Bilind a Radyo û Televîzyonan (RTUK) him cezayê pereyan daye kanala televîzyonê ya bi navê TELE1ê û him jî weşana wê ji bo heft rojan daye rawestandin.

Dadweriyê bi tohmeta ku “propagandaya rêxistinê kiriye” biryar daye Merdan Yanardag bê girtin.

Serdozgeriya Komarî ya Stenbolê ji ber ku gotiye bila tecrîda li ser Rêberê PKKyê Abdûllah Ocalanî rabe, lêpirsînnameyek derbarê Berpirsê Giştî yê Weşanê yê TELE1ê Merdan Yanardagî de amade kiriye.