Naverokên bi miftegotina DI WÊ HEYAMÊ DE KU ÎKLÎM Û DINYA DIGUHERE...

"Di dema krîzê de bi saya rolên ku di civakê de ji wan re hatine tayînkirin, hêsantir e ku mêr herêma krîzê biterikînin. Lêbelê berpirsiyariya kar û barê malê û xwedîkirina pîr û zarokan ku di stûyê jinan de hatiye hîştin, rê nade ku jin derkeve û wir biterikîne. Dibe ku ji ber vê yekê têkoşîna îklimê ya jinan ew qas dilsoz û bi inyat e."

Dema ku em dibêjin pergala xwarinê, em qala pêvajoyekê ku hilberîn, hilberandin, veguhastin, pakkirin, hilanîn, xerckirina xwarinê û zirar û zibilên ku di vê pêvajoyê de çêdibin dikin, pêvajo ji jêderkên çandiniyê dest pê dike.

Karesatên îklimê gelek mirovan neçar dikin ku ji welêt derkevin, li penaberiyê û li parastinê bigerin. Gelo qanûnên neteweyî yên li Tirkîyeyê çiqasî amadeyî vê rewşê ne?

Kûrbûna pirsgirêkên civakî û ekolojîk ên kapîtalîzma neolîberal piştî krîza 2008an û qelsiya wê ya li hember qeyranên îklimê, fînansî, siyasî û tenduristiyê yên ku em tê de ne, lêgerîna çareseriyan bileztir kir û piçûkxistinê wekî alternatîfek xurt derxiste holê.

Li seranserê Tirkiyeyê veberhênanên enerjiya venûker hene. Lêbelê, li hemberî van veberhênanan berxwedaneka cidî heye. A ku parêzvanên jiyanê li dijî ne enerjîya venûker e yan ew rûxandina mezin a ku bi navê enerjiya venûker tê kirin e?