Hevseroka Daîreya Têkiliyên Derve ya Rêveberiya Xweser Îlham Ehmedê pêşketinên li Bakur û Rojhilatê Sûriyeyê nirxand û bi van gotinan bang civaka navneteweyî kir "Vî gelî ciwanê xwe feda kir da ku we biparêze; divê hûn jî rabin ser piyan û ji bo gelê me helwesteke rast nîşan bidin."

PAJK’ê bi daxuyek da û diyar kir ku wê Rojava li ber xwe bide, rûmet û hebûna xwe biparêze û teslîm nabe" û bang li hemû mirovahiyêkir ku Bakur û Rojhilatê Sûriyeyê biparêzin û got: “Divê hemû jin û ciwan bi her cûre çalakiyan hêz bidin berxwedanê."

Serokê YNKê Bafil Talabanî êrişên Şamê şermezar kir û got, "Tiştên ku li Sûriye û Rojavayê Kurdistanê diqewimin nayên qebûlkirin û divê werin rawestandin. Em van kiryarên hovane yên li dijî gelê Kurd bi tundî şermezar dikin."

Bi pêşengiya Platforma Saziyên Demokratîk li Nisêbînê bi hezaran kes kom bûn û dimeşin ser sînorê Nisêbîn û Qamişloyê.