Komîsyona Mafên Zarokan a Baroya Amedê bi wesîleya "Roja Têkoşîna li dijî Karkeriya Zarokan" daxuyaniyeke çapemeniyê daye.
Ji Navenda Komîsyona Mafên Zarokan ya Baroya Amedê Esmer Ozer axiviye û gotiye: "Bi qebûlkirina Peymana Mafên Zarokan a li Lijneya Giştî ya Neteweyên Yekbûyî ya di 20ê Çiriya Paşiyê ya 1989an de, rojeva têkoşîna li dijî binpêkirina mafên zarokan derket pêş. Di vê çarçoveyê de "têkoşîna li dijî karkeriya zarokan" ji aliyê gelek dewletan ve weke mijareke sereke hatiye nîşandan û bi hin peymanan dest bi têkoşînê kirine. Peymana Çalakiyên Lezgîn ya Tekildarî Rakirin û Qedexekirina Karkeriya Zarokan a bi Xiraptirîn Şêwazan a bi Hejmar 182 ya Rêxistina Xebatên Navneteweyî ku Tirkiye jî di nav de ye û di çarçoveya Peymana Temenê Herî Piçûk ya bi Hejmar 138 a Rêxistina Xebatên ya Navneteweyî qanûnên navxweyî hatine sazkirin û bi destûr, qanûna karî û rêziknameyên pêwendîdar hewl hatiye dayîn ku pêşî li karkeriya zarokan bê girtin."
'160 mîlyon karkerên zarok hene'
Di rapora 10ê Hezîrana 2021an de ku ji aliyê Rêxistina Xebatê ya Navneteweyî û UNICEFê ve weşandin; Di nava 4 salan de hejmara zarokên ku dixebitin 8,4 mîlyon zêde bûye û li seranserê cîhanê gihîştiye 160 mîlyonan. 112 mîlyon zarokên karker di çandiniyê de, 31,4 mîlyon zarok di sektora xizmetê de, 16,5 mîlyon zarok di sektora sanayiyê de têne xebitandin. Di nav zarokên ku kar dikin de hejmara kesên ku di navbera 5-11 salî de nikarin biçin dibistanê %28 e, ev hejmar jî di navbera 12-14 salî de %35 e.
“TUIK îstatîstîkên li ser karkeriya zarokan parve nake”
Ji Navenda Komîsyona Mafên Zarokan Necat Çîçekiye aniye ziman ku çi polîtîkayeka Dewletê ji bo çareserkirina pirsgirêka karker nîne û weha gotiye,"Weke Koma Baroya Amedê Navenda Mafên Zarokan a Karkeran ji bo daneyan me serî li Midûriyeta Polîsan a Amedê û Wezareta Malbat û Xizmetên Civakî daye. Lê belê diyar kirine ku ti agahî li cem wan nîne. Saziya Îstatîstîkan ya Tirkîyeye (TUÎK) ji sala 2019an vir ve îstatîstîkên li ser karkeriya zarokan parve nake. Li vir jî em dibînin ku polîtîkaya dewletê ji têkoşîna li dijî karkeriya zarokan dûr e.
'62 karkerên zarok mirin e'
"Li gorî daneyên sala 2021an ên Tenduristiya Karker û Ewlekariya Karkeran a rêxistineke serbixwe, 21 karkerên zarok ên 14 salî û ê bin vî salî de, 41 zarokên 15-17 salî mirine. Ev yek girîngiya têkoşîna li dijî karkeriya zarokan radixe ber çavan."
(SY/AY)
*Semra Yansîtê ev nûçe berhev kiriye
